30-æм июлы Гуырдзыстоны райдытой уæрæх гуырахстджын æфсæддон ахуыртæ ИНО-йы бæстæтæ æмæ альянсы партнертимæ. Ахуыртæ ныр уагъд цæуынц æртыккаг хатт, «Достойный партнер 2017», зæгъгæ, ахæм номимæ, æмæ сæ сæйраг миниуæг у стыр хæстон хъомыс дзы кæй архайы, уый.
Хæстон ахуырты хайад исынц Гуырдзыстоны, АИШ-ы, Стырбританийы, Германы, Турчы, Словенийы, Украинæйы, Сомихстоны 3 мин æфсæддон службæгæнæджы. Гуырдзыстоны территоримæ æрбокондæуыд фæсарæйнаг уæззау æфсæддон техникæ æмæ авиаци.
Ахуырты байгом кæныны церемонийы уазæг уыд Гуырдзыстонмæ æрцæуæг АИШ-ы вице-президент.
Стыр хъыгагæн банысан кæнын хъæуы 2008 азы 8-æм августы Хуссар Ирыстоны ныхмæ Гуырдзыстоны тыхбахастыл фараст азы сæххæсты хæдразмæ ахæм мадзæлттæ уадзыны факт æмæ хъусын кæнæм иттæг тыхстдзинад кæй æвзарæм Гуырдзыстоны милитаризацийы рæзт æмæ тыхгæнæг бæстæйæн АИШ-ы æмæ æндæр бæстæты ‘рдыгæй æргом сæ къух кæй аразынц, уый.
Ацы цаутæн мах дæттæм ахæм аргъ, куыд провокацион цæттæгæнæн куыстытæ Фæскавказы цы политикон æмæ хæстон æмуæзад æрфидар, Хуссар Ирыстоны регионалон сабырад æмæ Гуырдзыстоны ‘рдыгæй йæ территоримæ бахъавдтытæй æдасдзинад фехалынмæ, уымæн æмæ Гуырдзыстон нæ ныууагъта Хуссар Ирыстоны территори хæстон амалæй бацахсыны фæнд.
Цхинвал, 2017 азы 1-æм август
Comments are closed, but trackbacks and pingbacks are open.