7-æм сентябры Гуырдзыстоны  Вазианийы полигоны æмæ тренировкæгæнæн лагерь «Норио»-йы райдыдтой æрвылазон æфсæддон ахуыртæ «Достойный партнер», зæгъгæ, ахæм номимæ.  «Сила в единстве»-йы лозунгы бын ахуырты хайад исынц АИШ, Стырбритани, Франц æмæ Польшæйы æфсæддон контингенттæ. Æдæппæтæй ахуырты архайынц 2,8 мин æфсæддоны. Ахуыртæ уагъд цæудзысты 18 сентябры онг.

Альянс тренировкæ кæны Уæрæсейы ныгуылæн æмæ хуссар арæнтæм æввахс, цыран НАТО æмæ йæ партнерты активондзинад цæхгæр сырæзт. Америкæйаг æфсæддон техникæ æмæ артиллери фæзындысты Балтийы бæстæты æмæ Гуырдзыстоны полигонты. Пентагоны фехъусын кодтой, зæгъгæ, ахуыртæ фыццаг рады здæхт сты бæстæтæ-æмцæдисонтæ æмæ партнертимæ æфсæддон æмгуыстад бакусыны тыххæй æмæ тæссаг не сты регионалон æдасдзинадæн. Уымæ нæ кæсгæйæ, АИШ Уæрæсейы арæн-тæм æрвитынц ног æфсæддон баиугæндтæ.

Куыддæр Европæйы карантин фæлæмæгъдæр, афтæ сæ территорийыл фæзындысты аме-рикæйаг æфсæддонтæ. АИШ-ы æфсæддон ахуыртæ райдыдтой Сабыр океанæй Хурскæсæн Европæйы онг. Æмæ Пентагоны традицион æгъдауæй уæлдай хъусдард аздæхтой уæрæсейаг здæхты территоримæ. АИШ-ы æфсады европæйаг командæкæнынады официалон хъусынгæнинагмæ гæсæ, Гуырдзыстоны ахуырты хайад райсынмæ æрцыдысты 2-æм кавалерион, æфсæддон полицийы 18-æм бригадæтæ, 173-æм уæлдæфондесантон бригадæйы егъау æфсæддон баиугæндтæ. Афтæ ма  хæстон авиацийы 12 æмæ 101-æм бригадæтæ. Ахуырты рæстæджы Гуырдзыстоны ра-вæрд æрцæудзысты АИШ-ы хæстон машинæтæ, рог бронетехникæ æмæ штурмгæнæн вертолеттæ.

Гуырдзыстоны æфсæддон ахуыртæ уагъд цæуынц уыцы иурæстæджы Европæйы скæсæйнаг къорд бæстæйы НАТО-йы маневртимæ. Украинæйы сæрмæ арвыл фæзындысты АИШ-ы Уæлдæфон гарзджын тыхты ядерон бомбæкалæн хæдтæхджытæ.  Атахты рæс-тæджы, бомбæкалæн хæдтæхджытæ, кæцытæн сæ бон у бортыл ядерон зарядтæ хæссын, æрбаввахс сты уæрæсейаг арæнтæм 150-200 километры дæрддзæгмæ. Уæрæсемæ аме-рикæйаг æфсæддонтæ ноджы æввахсдæр сты Прибалтикæйы, кæцытæ æрбацыдысты Эстонийы æфсадимæ иумиаг ахуыртæ ауадзыны тыххæй. Ахуырты фæлгæтты америкæйаг егъаукалибырон реактивон артиллери равæрд æрцыд эстойнаг полигон Тапайы, Псков æмæ Ленинградаг областты арæнтæй 110 километры дæрддзæгæн. Уæрæсейы арæнты цур НАТО-йы активондзинад скæсæнмæ кæй уæрæхдæр кæны, уымæн комментаритæ сарæзта Стратегитæ æмæ технологиты анализы центры эксперт Михаил Барабанов. Йæ хъуыдымæ гæсгæ, уый у фыццаг сигнал уымæ, зæгъгæ, НАТО-йы тыхтæ гæнæн ис уæрæсейаг арæнтæм æввахс фæзыной æдзухон бындурыл. «Уымæ гæсгæ Уæрæсейæн тынг ахсджиаг у раздæры Советон Цæдисы республикæтæм НАТО-йы ма æрбауадзын, уæлдайдæр та Украинæ æмæ Белорусимæ, науæд æввахс рæстæджы альян-сы ракетæтæ æмæ æфсæдтæ лæудзысты Мæскуыйæ 400-500 километры дæрддзæгæн», – загъта уый.

Гуырдзыстоны хицауады сæргълæууæг Георгий Гахария ахуыртæ бакæныны церемонийы куыд фехъусын кодта, афтæмæй чысыл кавказаг бæстæ фæнд кæны евроатлантикон интеграци къухы бафтын кæнын. Уымæй дарддæр, зæгъ, маневртæ хъуамæ фæахъаз уой глобалон масштабы хæстæ аскъуыддзаг кæнынæн. «Мах хорз æмбарæм, ахуырты рæстæджы нæ салдаттæ цы зонындзинæдтæ райсой, уыдонæй хъуамæ спайда кæнæм глобалон сабырдзинад сфидар кæнынæн», – загъта Гахария.

Банысан кæнын хъæуы уый дæр, æмæ Гуырдзыстонмæ кæй æрцыд НАТО-йы сурзæххон æфсæдтыл командæгæнæг, инæлар-лейтенант Роджер Клотье. Зæгъын ма хъæуы уый дæр, æмæ Гуырдзыстоны НАТО-йы ахуыртæ кæй сты тæссаг тенденци дунейы сабырдзинадæн.

Comments are closed, but trackbacks and pingbacks are open.