Донбассы æцæгæйдæр цы цæуы, ома украинæйаг националистты сырдон миты тыххæй радзырдта раздæры французаг æфсæддон, фыссæг Адриен Боке, кæцы алцыдæр федта йæхи цæстæй. Уый æртæ къуырийы дæргъы уыд Украинæйы цауты бынаты гуманитарон миссиимæ æмæ йæ балцы фæстæ радта стыр интервью французаг радиостанцæн.
Йæ ныхæстæм гæсгæ, ныгуылæйнаг телеканалтæ цы æвдисынц æмæ æцæгæй та цы цаутæ цæуынц, уыдон кæрæдзиимæ абаргæйæ сты арв æмæ зæхх. Программæтæм æрбацæуынц эксперттæ, кæцытæ иу хатт дæр нæ уыдысты Украинæйы. Æмæ уым та алыран дæр «Азов»-ы националисттæ аразынц тæссаг фыдракæндтæ. Афтæ ма Боке радзырдта, зæгъгæ, украинæйаг æфсад сабыр цæрджытæй пайда кæны удæгас уарты хуызы. Æхсæвыгæтты сын сæ хæдзæртты æмбæхсынц хæстон æрмæджытæ. Æмæ æппæт ныппырхгонд æмбæстагон бæстыхæйттæ та, кæцыты Киев æвдисы куыд бомбардировкæты фæстиуæг, афтæ, æцæгæй та сты украинæйаг радикалты æгъатыр æхстыты фæстиуæг. Французаг раздæры спецназон ма фехъусын кодта: «Азов»-ы хæстонтæ сты алырæтты неонацистон уæлхуыдтимæ (нашивка). Мæн дисы æппары, Европæ неонацистты хæцæнгарзæй кæй ифтонг кæны, уый. Сæ формæйыл алыран дæр хуыд ис эсэсовонты символикæ. Уыдон сæ цæстæнгас бынтондæр не ‘мбæхсынц, уый хыгъд æй æргомæй æвдисынц. Уым уæвгæйæ, мæнæн мæ бон саразын ницы уыд. Æрмæст дæр мæ хъус дардтон æмæ истон видео. Мæнмæ сты уыцы кадртæ æмæ сæ пайда кæндзынæн Украинæйы фыдракæндты æвдисæны хуызы. Æз æвдисæн сдæн, украинæйаг хæстонтæ уацайраг уырыссаг салдаттæн сæ уæрджытæ куыд æхстой, уымæн дæр. Æз сæрмагон-дæй мæхæдæг федтон америкæйаг кинооператорты, кæцытæ куыстой мæнг кинотæ сисыныл цауты бынатæй, инсценировкæтæ арæзтой, афтæмæй. Буча дæр у инсценировкæ. Фæмардуæвджыты мард буартæ æрбаластой æндæр бынæттæй æмæ сæ барæй равæрдтой афтæ, цæмæй систаиккой адæм дисы кæмæй бахаудтаиккой, ахæм видеосъемкатæ.
Comments are closed, but trackbacks and pingbacks are open.