РХИ-йы Президент Бибылты Анатоли йæхимæ райста Хуссар Ирыстоны УФ-йы Уæлвæткон æмæ æххæстбарджын минæвар Марат Кулахметовы.
Уæрæсейы Федерацийы номæй Марат Кулахметов раарфæ кодта хуссарирыстойнаг паддзахады сæргълæууæгæн Ног азы цытæн æмæ бакаст УФ-йы Президент Владимир Путины арфæйы фыстæг.
Уæрæсейаг паддзахады сæргълæууæг банысан кодта, зæгъгæ, уæрæсейаг-хуссарирыстойнаг ахастытæ рæзынц æмцæдисад æмæ хæлардзинады бындурыл. Йæ ныхæстæм гæсгæ, æнтыстджынæй царды биноныг кæнынц республикæйы социалон-экономикон рæзтæн ахъазгæнæг проекттæ.
«Ныфс мæ ис, Ног 2022 азы дæр Уæрæсе æмæ Хуссар Ирыстон кæй адарддæр кæндзысты планон иумиаг куыст дыууæварсон бастдзинæдты æппæт комплекс сфидар кæныны нысæнттæн, афтæ ма Фæскавказы æдасдзинад æмæ стабилондзинад сифтонг кæныны тыххæй дæр», – дзырдæуы УФ-йы Президенты арфæйы фыстæг.
Бибылты Анатоли арфæйы ныхæстæ загъта Уæрæсейы Федерацийы къухдариуæгадæн сæ хъусдард æмæ фарсхæцынады тыххæй, кæцытæ здæхт сты Хуссар Ирыстоны рæзтмæ æмæ йæ адæмы фæрныгад фæхуыздæр кæнынмæ. «Вектор, кæцыйы равзæрста Хуссар Ирыстон, æмæ йæ æмахастытæ, кæцытæ сæвзæрдысты Республикæ Хуссар Ирыстон æмæ Уæрæсейы Федерацийы ‘хсæн, планонæй рæзынц. Уый стыр æххуыс у Хуссар Ирыстоны рæзтæн», – загъта уый.
Йæ рады, Марат Кулахметов дæр банысан кодта, зæгъгæ, нын ацы аз уыдзæн ноджы фылдæр куыст. «Мах сымахимæ хъæуы кусын æмæ кусын», – загъта уый.
***
Президент Бибылты Анатолийæн ма Ног азы æмæ Чырыстийы райгуырды цытæн раарфæ кодтой Сирийаг Арабаг Республикæйы Президент Башар Асад, Приднестроваг Молдаваг Республикæйы Президент Вадим Красносельский, Дæллаг Новгороды областы губернатор Глеб Никитин, фæсарæйнаг бæстæтимæ æхсæнрегионалон æмæ культурон бастдзинæдты фæдыл УФ-йы Президенты Управленийы хистæр Игорь Маслов, Хъалмыхъы республикæйы сæрдар Юрий Зайцев, Республикæ Абхазы Президент Аслан Бжания.
***
РХИ-йы Президент Бибылты Анатоли раарфæ кодта УФ-йы Президент Владимир Путинæн Ног 2022 азы æмæ Чырыстийы райгуырды рухс бæрæгбоны цытæн.
Арфæйы фыстæджы, сæрмагондæй, дзырдæуы:
«Цытджын Владимир Владимиры фырт!
Республикæ Хуссар Ирыстоны адæмы æмæ дын сæрмагондæй мæхи номæй арфæ кæнын Ног 2022 азы æмæ ирд ахсджиаг Чырыстийы райгуырды цытæн. Хуссар Ирыстоны адæмæн бæрæггæнæг нысаниуæг ис, саргъгæнæн дæр кæмæн нæй ахæм фарсхæцынад æмæ алыварсон æххуысæн, кæцы кæны нæ республикæйæн Уæрæсейы Федераци. Абон Республикæ Хуссар Ирыстонæн ис æппæт бындуртæ дæр ныфсджынæй фидæнмæ кæсынæн æмæ дарддæры плæнттæ аразынæн.
Ныфс мæ ис демæ нæ дарддæры комкоммæ æмархайдæй, фæнды мæ бафидар кæнын уый, æмæ Хуссар Ирыстон дарддæр дæр æппæт тыхтæй кæй архайдзæн Уæрæсейы Федерацимæ интеграци æмæ æмцæдисадон рæзты фæдыл курс реализаци кæныны тыххæй, кæцы нæ бæстæйæн байгом кодта ног фадæттæ æмæ йын ныридæгæн æрхастой цæстуынгæ фæстиуджытæ.
Цытджын Владимир Владимиры фырт, курæг дæ дæн, цæмæй айсай мæ иууыл зæрдæбындæр арфæтæ, мæ зæрдæ дын зæгъы фидар æнæниздзинад æмæ ног æнтыстытæ, æмæ Уæрæсейы Федерацийы æппæт цæрджытæн та – сабырдзинад, хæрзиуджытæ æмæ дидинæфтыд».
***
Президент Бибылты Анатоли ма Ног азы æмæ Чырыстийы райгуырды цытæн раарфæ кодта УФ-йы Æдасдзинады Советы Сæрдар Дмитрий Медведев, УФ-йы Хицауады Сæдар Михаил Мишустин, Мæскуыйаг æмæ æппæт Уæрæсейы Патриарх Кирилл, УФ-йы Федералон Æмбырды Паддзахадон Думæйы Сæрдар Вячеслав Володин, УФ-йы Федералон Æмбырды Федерацийы Советы Сæрдар Валентина Матвиенко, УФ-йы Президенты Администрацийы къухдариуæггæнæг Антон Вайно, Мæскуыйы мэр Сергей Собянин, Приднестроваг Молдаваг Республикæйы Президент Вадим Красносельский, Сербаг Республикæйы Президент Желька Цвиянович, Республикæ Абхазы Президент Аслан Бжания, Республикæ Арцахы Президент Араик Арутюнян, Луганскы æмæ Донецкы Адæмон Республикæты сæргълæуджытæ Леонид Пасечник æмæ Денис Пушилинæн.
***
РХИ-йы Хицауады Сæрдар Бекъойты Геннади Ног 2022 азы æмæ Чырыстийы райгуырды цытæн раарфæ кодта УФ-йы Хицауады Сæрдар Миахил Мишустин æмæ Республикæ Цæгат Ирыстон-Аланийы Хицауады Сæрдар Дзанайты Барисæн.
Comments are closed, but trackbacks and pingbacks are open.