Республикæ Хуссар Ирыстоны Президент Бибылты Анатоли бабæрæг кодта Цхинвалы урсаджы къæбицы бæстыхайы. Уый цалцæг æрцыд фонд «Аланийы иудзинады» æхцайы фæрæзтæй, кæцыйы бындурæвæрæг у Бибылты Анатоли.
Дохтыр Кокойты Сергей, кæцы у куыстуат сорганизаци кæныны инициатор, Президентæн æмæ йемæ уæвæг Æнæниздзинад хъахъхъæныны министр Тотчиты Георги, горæт Цхинвалы администрацийы сæргълæууæг Коцты Аланæн фенын кодта хатæнты æмæ радзырдта, куыд кусдзæн урсаджы къæбиц, уый. Æхсыргуыстгæнæн ифтонгад ма хъæуы балхæнын.
Æхсыр цæудзæн фæрсыгъд, йæ фарсмæ хатæны та пастеризаци, дарддæр та йæ сæрмагонд машинæ уадздзæн æндæр æмæ æндæр гуырахст мигæнæнты. Хомысы æмæ продукцийы гъæд сгæрст цæудзысты нæ лабораторийы экспресс-диагностикæйы фæрцы, бæстондæрæй сæ басгарыны тыххæй-иу æрбахондзыстæм санитарон-эпиде-миологон станцы кусджыты», – радзырдта Кокойты Сергей.
Йæ ныхæстæм гæсгæ ма æхсырæй дарддæр фæнд кæнынц дыргъы дæттæ æмæ пюре уадзын дæр.
Бибылты Анатоли банысан кодта бакæнгæ цалцæггæнæн куыстыты хорз æмвæзад æмæ Кокойты Сергеймæ бахатыд, цæмæй йæм æрбавдисой ифтонгад балхæныны фæдыл сметæ.
«Урсаджы къæбицы гъæдджын продукци, хъуамæ суа сывæллонджын бинонтæн хорз æххуыс. Уымæй уæлдай ма, æхсыр æмæ ба-куыстгонд дыргътæн сæ бон у баххæст кæной скъолайы агъоммæйы æмæ скъолайы уагдæтты, æнæниздзинад хъахъхъæныны объектты рацион», – загъта Президент.
Бибылты Анатоли, Тотчиты Георги æмæ Коцты Алан æруынаффæ кодтой фидæны куыстуатæн паддзахадон заказтæ саразыны фарстыл.
РХИ-йы Президенты æмæ Хицауады пресс-службæ
Comments are closed, but trackbacks and pingbacks are open.