Ивгъуыд къуыри Юстицийы министр Лалыты Залинæ йæ дæлбаруæвæг министрады хайады сæргълæуджытимæ фæуазæг ис Дзауы районмæ.
Дзауы районы Администрацийы сæргълæууæг Магкоты Уырызмæг фембæлдмæ æрбахуыдта Дзауы администрацийы хайадты разамонджытæ æмæ кусджыты, афтæ ма хъæууон администрациты сæргълæуджыты.
Дзауæгтимæ ныхасгæнгæйæ, Лалыты Залинæ загъта: «РХИ-йы Президент Бибылты Анатоли министрадтæй домы, цæмæй ивд æрцæуа куысты формат. Районтæм цæугæйæ зонгæ кæной профилон куыстуæтты проблемон фарстытимæ. Ног рæстæгмæ ног домæнтæ ис. Хиуыл кусын хъæуы, уымæн æмæ алы куыстуаты дæр хъæуы дæсны специалисттæ, йæхицæн йæ бинонтæ æмæ æхсæнадæн пайда чи ‘рхæсдзæн, ахæмтæ. Ахæм фембæлдтытæ махæн уагъд æрцыд Знауыр æмæ Ленингоры районты дæр», – загъта Юстицийы министр.
Лалыты Залинæ ма фехъусын кодта Юстицийы министрад кæй аразы паддзахадон службæйы регистрацийы, ка-дастр æмæ картографийы фæдыл реформæ. Уый ахъаз уыдзæн адæмы æнæзмæлгæ мулк регистраци кæнынæн. «Реформæ баст у техникон инвентаризацийы бюро æмæ хыгъд-ты службæйы иумæ æрбаиу кæныныл», – банысан кодта Лалыты чызг.
Министр ма уæлдай хъусдард аздæхта хыгъдлæвæрдон бланкты уавæрмæ. Уый банысан кодта, Юстицийы министрад иу æмæ дыууæ хатты кæй нæ рахаста фæндон, районты администрацийы къухдариуæггæнджытимæ, хъæусоветы администрациты сæргълæуджытæн хыгъдон бланкты райст æруромыны фæдыл. «Арæх уыд фæткхалыны цаутæ. Уыдон баст уыдысты хъæусоветты администрацитæм бланктæ кæй уыд æмæ-иу кæй фесæфтысты, уыимæ», – банысан кодта уый. Лалыты Залинæ ма йæ ныхасмæ бафтыдта, министрад кæй ауагъта фæдысгæрстытæ æмæ йæ фæстиуджытæ лæвæрд кæй æрцыдысты Президент æмæ Хицауадмæ, æмæ ныртæккæ уыцы фарст скъуыддзаг цæуы дарддæр.
Министр дзырдта, республикæйы æндæр районты цæрджытимæ фембæлдтыты рæстæджы, дзырд цыд хъæууон-хыгъдон чиныг аразыны фæдыл. Хъæусоветы администрациты сæргълæуджытæн министрад радта хыгъдон чиныг аразыны инструкцитæ. Уыдон арæзт æрцыдысты Юстицийы министрады, æмæ хъæууон администрациты сæргълæуджытæ хæсджын сты, цæмæй уыцы инструкцитæ æххæст кæной. «Кæд æмæ уыцы до-мæнтæ æххæст цæуой, уæд мах министрадæн æппындæр ницы аиппытæ æрхæссинаг уыдзæнис хъæууон администрациты сæргълæуджытæм», – загъта Лалыты Залинæ.
Уый ма хъæусоветы сæргълæуджытæн фæдзæхста, кæд æмæ дам материалон-техни-кон уавæртæ нырма къуындæг сты, уæддæр практикон цæт-тæдзинад æмæ зонындзинæдтæй кæй хъæуы архайын.
Министр дзауæгтимæ дзургæйæ ноджыдæр загъта: «Мемæ æрбакодтон мæ министрады хайады сæргълæуджыты. Мах скодтам сымахимæ фембæлыны фæнд, цæмæй нæ иумæйаг архайдæй рухс кæнæм æхсæнады зæрдæтæ. Нæ къухы цы фадæттæ æмæ гæнæнтæ ис, цæмæй уымæй нæ бон уа кусын æмæ нæ архайды фадæттæ фæхъомысджындæр кæнын, уымæ гæсгæ радтут кæмæ уæм цы кусæгон фарст сæвзæрд, уыдон.
Хъæууонхæдзарады проблемæтæ фылдæр баст вæййынц зæхх æмæ фосдарды фарстатимæ. Уымæ гæсгæ Юстицийы министрады кусджытæм цы фарстатæ лæвæрд цыд, уыдон æппæтдæр баст уыдысты зæхх сфидар кæныны фæткимæ. Уыцы фарстатæн лæмбынæг дзуаппытæ лæвæрдта адвокатон коллегийы сæргълæууæг Гæджиты Инал.
Уазæгты Марфа
Comments are closed, but trackbacks and pingbacks are open.