Фæндæгты арæзтад æмæ эксплуатацийы фæдыл комитеты сæрдар Гуыззыдтаты Эдуард хыгъдон æмбырды рæстæджы коллективы базонгæ кодта паддзахадон унитарон куыстуат «Дорэкспострой»-йы ног генералон директор Мæхъиты Семенимæ.
Уый размæ ацы бынаты куыста Лалыты Мурат, кæцы сæрибар æрцыд йæхи куырдиатмæ гæсгæ.
«Мæхъиты Семен йæхи хорз равдыста, куыд профессионал, кæцымæ ис куысты фæлтæрддзинад фæндагарæзтады фадыджы. Уый йæхи равдыста куыд хорз, хъæппæрисон, адæймаг бæрндзинадæнкъарæг æвзонг специалист», – загъта Гуыззыдтаты Эдуард, æрæмбырдуæвджытимæ ныхас кæнгæйæ.
Хыгъдон æмбырды хайад исгæйæ, Хицауады Сæрдар Пухаты Эрик ныфс бавæрдта, ног къухдариуæггæнæг кæд æвзонг у, уæддæр æм ис куысты фаг фæлтæрддзинад, цæмæй йæ разылæууæг хæстæ скъуыддзаг кæна.
«Ныфс мæ ис, ды иумæйаг æвзаг кæй ссардзынæ коллективимæ æмæ уыдонимæ дæ разылæууæг хæстæ кæй скъуыддзаг кæндзынæ, республикæйы къухдариуæгад та дын алы хатт дæр æххуыс кæндзæн дæ куысты», – банысан кодта Пухаты Эрик.
Йæ рады Мæхъиты Семен ныфс бавæрдта æрæмбырдуæвджытæн, æппæт дæр кæй сараздзæн, цæмæй фæбæрзонддæр кæна, цы ведомствойы сæргълæууæг у, уый куыст.
Comments are closed, but trackbacks and pingbacks are open.