Раджы ныффыстон мæ хъуыдытæ, Сталин цы нацийы минæвар уыд, уый фæдыл, æгæрыстæмæй ма чиныг дæр рауагътон уырыссаг æвзагыл æмæ йæ ном хуыйны «Кто ты, Сталин?» Рæстдзинады охыл мæ банысан кæнын фæнды: кæд æмавторæн равзæрстон Багаты Чермены, уæддæр ацы чысыл чиныджы иунæг дзырд дæр нæй Чермены фыст, Чермены хатдзæг. Уæдæ йæ цæмæн скодтон æмавтор? Раст зæгъгæйæ, тынг патриот æмæ сталинист уыдис, стæйдæр мын æрмæджытæ агурыны рæстæджы бирæ баххуыс, æрмæст мæ Диди Лиломæ дыууæ хатты кæй ныккодта йæ сырх дæрдджын «Нива»-йыл, спонсор мын кæй ссардта, уый йæхæдæг кæуылты хъуыддаг у! Уæлдайдæр уыцы тыхст рæстæджы, нæ къухтæм æмхасæнтæ куы кодтам æмæ маамæлайы къæбæрæй куы цардыстæм блокадон сахары, уæд.

Æниу Чермен рухсаг уæд, мæн абон æндæр хабары тыххæй фæнды цалдæр ныхасы зæгъын, номхуындæй: кæд мæ хатдзæгтæ Сталины генеалогийы фæдыл уырнинаг æмæ фидар бындуримæ сты, суанг ма уыцы хъуыды бафидар кодта Украинæйы «Коммунистический вестник»-ы публицист Федорченко дæр, ома ацы чиныг чи бакæса, уый нал дызæрдыг кæндзæнис, Сталин цы нацийы минæвар уыдис, ууыл. Фæлæ уæддæр мæ оппоненттæ сæ кæнон нæ уадзынц æмæ алы мæнг ныхæстæ мысынц фарстæн сæхирдыгон дзуаппытæ агурыны фæдыл. Уый хынцгæйæ, мæн бахъуыдис, чиныджы бынат кæмæн нæ разынд, ахæм цалдæр бæрæг-гæнæны ныммыхуыр кæнын комментаритимæ, цæмæй зыгъуыммæ хъуыдыгæнджытæн сæ къах атилыны бон дæр мауал уа.

Фыццаг. Историон зонæдты доктор Цыбырты Людвиг йæ чиныг «Встречи с Абаевым», зæгъгæ, уым 20-æм фарсыл фыссы:

На вопрос Ивана Владимировича, встречался ли он (Абаев) когда-либо со Сталиным, последовал отрицательный ответ, потом Василий Иванович добавил: «В Лондоне издан «Лексикон Миллера. В рецензии на «Лексикон» отмечается, что Сталин по происхождению осетин, то есть принадлежит к народу, который высоко чтит женщину».

Раст зæгъгæйæ, ам комментариты сæр хъæугæ дæр ницæмæн кæны, стыр ахуыргонды ныхасыл ма баууæндæм, уымæн нын ницы бындур ис. Æрмæст мæ уæддæр бафæндид ахæм хатдзæг саразын: Сталины куынæ бабын кодтаиккой æмæ искуы отставкæйы куы ацыдаид, уæд æнæмæнг ныффыстаид йæ мемуартæ, цыран бæлвырдæй разындаид боныфæстагмæ йæхи къухфыстæй, цы нацийы минæвар уыдис, уый, уымæн æмæ генион адæймаг йæ сæрмæ не ‘рхастаид мæнг ныхас зæгъын.

Бирæ дæлæ-уæлæ ныхæстæ фæкодтой нæ оппоненттæ, Сталины фыдæлтæ цы цæрæн бынатæй рацыдысты, уыцы фарсты фæдыл. Чи сæ къахеттаг хъæу Джугаанийæ хуыдта, чи – Дзомагъгомæй, чи та – кæцæй. Уыцы фарст дæр мæ чиныджы раст скъуыддзаг у, фæлæ уæддæр, ноджы ма зæгъон, рассæнд-бассæнд кæнынц, суанг ма ахæм хатдзæг дæр аразынц, цыма Джерыкоммæ Джугъашвилитæ æрбалыгъдысты Къахетæй, бæрзонд бынат кæй у, уымæ гæсгæ. Алырдыгæйты, дам, сæм знæгтæ лæбурдтой æмæ, дам, æдасдæр ранмæ райстой сæхи. Уыцы хатдзæг дæр уæлдæфы ауыгъд у, ничи йыл баууæнддзæн, фæлæ ам мæн æндæр цыдæр зæгъын фæнды.

Дыккаг.  Сталины фыдæлтæ Джеры комæй цардагур кæй ацыдысты Диди Лиломæ, уымæн нын æцæгдæр ирд æвдисæндар у Сталины мад Къекъейы мысинаг, кæцы мыхуыргонд æрцыд Гуры фæллойгæнджыты газет «Горис моамбе»-йы цалдæр азы размæ. Дæлдæр æй цæвиттонæн хæссын мæхи комментариимæ.

МÆ  МЫСИНАГ

Нæ бинонтæ уыдысты æнæкæрон амондджын. Бесойæн йæ хъуыддаг фæрæвдздæр, Барамов Осепайæ рахицæн æмæ бакодта сæрмагонд æрмадз.

Уыцы хабар йæ хæлæрттæ куы базыдтой, уæд йæ фарсмæ æрбалæууыдысты, кæмæн сæ цы йæ бон уыд, уымæй йын йæ къух арæзтой. Нæ къухылхæцæг Яков ын тæрх саразын кодта, Ходели Гига йын йæ дуканийы иу чысыл къуым радта æмæ ма йын сæ зонгæты ‘хсæн, кусинæгтæ йæм чи хастаид, ахæмты дæр ссардтой.

Иу афæдзы фæстæ мæм амонд æцæг йæ мидбылты бахудт, райгуырд нын лæппу. Бесо фырцинæй фæцæйæрра кодта, стыр куывд ныззылдта, йæ сывæллонæн натлиа ссардта. Йæ натлиа Егнаташвили Яков дæр зæххыл нал хæцыд. Фæлæ хъæлдзæгдзинад мастмæ расайдта: нæ сывæллон дыууæмæйдзыдæй амард.

Бесо мæстæй нуазын райдыдта, нæ бинонты амондджын цардæн йæ бындур нынкъуыст, ныффæстытæ.

Дыккаг азы райдианы та нын фæзынд дыккаг лæппу, уый дæр та Яков снатлиа кодта, фæлæ та уымæн дæр хуыцау цæрæнбон нæ радта, сынтæгæй нæма сыстадтæн, афтæ та уый дæр амард.

Бесойы  сæррамæ  бирæ нал хъуыд. Алцы дæр Джерыдзуары аххос фæкодта, мæ мад дæр ын, куыд уырнæг, афтæ ноджы ссыр авæрдта. Мæ мад, мæгуырæг, цы дæсныты къæсæрæй нæ бакаст, ахæм нал баззад… Алы ран дæр-иу æй Джерыдзуары аххос фæкодтой. Æмæ райдыдтам Уастырджийы нывтæ æлхæнын, цырæгътæ судзын, Гори-джваримæ цæуын, цы ран нын бафæдзæхстой, зæгъгæ, куыддæр æртыккаг сывæллон райгуыра (уæдмæ æз мæхибар нæ уыдтæн), афтæ хъуамæ кусæрттагимæ ацæуæм Джерыдзуары бынмæ туг суадзынмæ.. Æртыккаг сывæллон дæр та мын лæппу фæци. Бесо уæд афтæ: «Яковы къух  мын нæ рабæззыд, ныр та хъуамæ æндæр натлиагæнæджы бафæлварон». Егнаташвилимæ уый хъыг нæ фæкаст. Æртыккаг сывæллоны натлиа кæныныл батагъд кодтой, мыййаг, дам, афтæмæй куы амæла. Мæ мад ын Уастырджийы ныв æрцауыгъта йæ хъуырыл æмæ Бесойæн æрымысыд, æнæмæнг Джерыдзуары бынмæ ацæуæм туг суадзынмæ, зæгъгæ. Бесо йын уæд афтæ: æрмæст мæ хъæбул удæгас баззайæд, уый йеддæмæ йæм зоныгуылæй фæцæудзынæн, ме уæхскыл мæ хъæбул, афтæмæй.

Нæ сывæллон, æцæгдæр, удæгасæй баззад…

Екатерине ДЖУГЪАШВИЛИ

Комментарийы бæсты. Ацы мысинаг мыхуыр уыдис газет «Горис моамбе»-йы 1996 азы 27 декабры, ома Сталины райгуырды бон. Æвæццæгæн Екатерине Джугъашвилийы мысинаг æцæгдæр ис кæмдæр фыстæй, æндæра газетмæ кæцæй æрбахаудта? Афтæ, æмæ йыл æууæндæм. Æрмæст Джерыдзуары кой кæм чындæуы тексты, уым цъус зæрдæхсаинаг момент ис, иугæр дæсны амоны Джерыдзуары бынмæ кусæрттаг скæнын æмæ дзы туг суадзын, уæд æрдзон æгъдауæй гуыры фарст: номхуындæй Джерыдзуармæ цæмæн амоны дæсны æмæ æндæр кувæндонмæ цæмæннæ? Ам æнæмæнг дæсны загътаид традицион ныхæстæ «дæ фыдæлты дзуармæ», фæлæ… Чизоны сæ информатор кæнæ редакцийы кусæг фæиуырдæм кодта, уымæн æмæ ахæм хуызы бынтон раргом уыдаид, Сталины фыдæлтæ ирæттæ кæй уыдысты æмæ Джеры комæй кæй алыгъдысты Лиломæ цардагур, уыцы хабар.

Æртыккаг. Бæрæг куыд у, афтæмæй Сталинæй адæм кодтой тынг аргъуц, йæ ном ын æвæрдтой хуры фарсмæ, хуыдтой йæ сæ куырыхон фæтæг, Стыр Ленины хъуыддаг дарддæргæнæг. Æмæ йын йæ титултæ, йæ номы æрттиваг эпитеттæ æмæ метафорæтæ чи фæнымайдзæн! Уый æмрæстæджы дзы се уонджы мигъ дæр бадтис, æнхъæлдтой,  репрессигонд чи цыдис, уыдон иууылдæр Сталины амæттæгтæ уыдысты. Уый, кæй зæгъын æй хъæуы, рæдыд хъуыды уыдис, фæлæ, Мавзолейы ма куы уыдис, уæд ын бахизæны хъарагъулты дыууæ хатты фæфылдæр кæнынмæ кæй сидтис поэт Евтушенко, ома куы райгас уа æмæ та куы сæлваса йе ‘хсаргард… уый бæрæг уыдис. Уый зæгъын мæ фæнды, æмæ Сталины тыххæй мæнг æмæ уæгъдидон ныхас зæгъынмæ ничи йæ ныфс бахастаид, æппæлгæ дæр дзы тæдзгæ-баргæ кодтой. Фергомдæр кæнæм нæ ныхас: 1940 азы Мæскуыйы уагъд календарь «Страна социализма»-йы 156 фарсыл ис Сталины биографи дæр хæрз – цыбыртæй.

Уым кæсæм:

Иосиф Виссарионович Сталин (Джугашвили) родился 21 декабря 1879 г. в городе Гори, Тифлисской губернии. Отец его – Виссарион Иванович, по национальности осетин, происходил из крестьянского села Диди Лило, по профессии сапожник, впоследствии рабочий обувной фабрики Адельханова в Тифлисе.

Ацы календарь Сталинæн йæхи стъолыл дæр кæй уыдаид, уый мæн фидарæй уырны æмæ йе снывæндæгимæ дæр разы кæй уыд, уый та мæ ноджы фидардæрæй уырны.

Уæлдæр æрхæсгæ цæвиттонтæ иттæг стыр ахъаз сты Сталины генеалоги арфдæр базонынæн, мæ чиныджы иннæ фактты æххæст кæнынц бирæ цæмæйдæрты. Гъе, фæлæ ноджы сенсациондæр разынд, цыппæрæм факт, цыран зонадон æгъдауæй сбæрæг, Сталины дадзинты сыгъдæг ирон туг кæй зылд, уымæн ног аргумент, кæцыйæн йæ сæрты ахизæн ницы амалæй ис æмæ йæ дунейы адæмтæ исынц æнæдызæрдыгæй.

Дæлдæр æй мыхуыр кæнæм æнæвнæлдæй.

ДНК-генеалогия Сталина. Сталин оказался осетином

Профессор Анатолий Клёсов объявил о сенсационном открытии

Новое направление в науке – ДНК-генеалогия пока делает первые шаги, но уже сейчас получены результаты, которых принято называть сенсационными.

Профессор Анатолий Клёсов, известный аудитории KM.RU по уже опубликованному у нас циклу статей, открывает ранее неизвестные факты. Результаты ДНК тестирования показали, что Сталин с генетической точки зрения, осетин.

Для того, чтобы читатель ориентировался в методах профессора Анатолия Клёсова, необходимо сделать ряд предварительных замечаний.

ДНК-генеалогия оперирует следующими базовыми терминами и принципами.

Гаплотип – набор чисел, который, по сути, является «личным номером ДНК-паспорта» мужчины.

Гаплогруппа – не индивидуальная, а групповая характеристика, образно говоря, «обложка паспорта».

У каждого мужчины в Y-хромосоме своя картина мутаций, причем у близких родственников картина мутаций сходная. Отец передает в последующее поколение свою Y-хромосому только, разумеется, сыновьям.

Современные научные методы позволяют определить и гаплогруппу, и гаплотип, а это дает возможность отследить, откуда род ведет свои корни, когда и где жили предки рода, а также пути миграций его представителей и связь с археологическими культурами. Таким образом, в руках историков, и в частности археологов, появился высокоточный инструмент, открывающий новые перспективы.

Анатолий Алексеевич Клёсов – профессор, доктор химических наук, лауреат Государственной премии СССР, многие годы работавший в МГУ, а затем в Гарварде, разработал и применил метод количественного анализа ДНК человека. Многие догадки и гипотезы историков, основанные на археологии, теперь проверяются его методом.

Так, например, профессор доказал, что с генетической точки зрения русские и украинцы – один народ, что ставит крест на всех спекуляциях о якобы финно-угорском происхождении русского народа. К профессору Клёсову обращаются представители элиты арабских государств, с целью установить происхождение ныне живущих арабов, проследить пути их миграции в мире.

То же относится и к научной элите Сербии, которая сотрудничает с Анатолием Алексеевичем. Последняя сфера исследований Клёсова – хазары, проверка методом ДНК-анализа библейских событий, а также фактов, изложенных в известных летописях.

Отдельным направлением исследований Клёсова является установление происхождения современных Рюриковичей. Полученные данные заставили даже корифеев норманнизма пересмотреть свои, казалось бы, незыблемые представления, о чем они признавались в своих, недавно опубликованных статьях.

Что касается Сталина, то тестированию подвергся внук вождя, старший сын Василия Сталина, народный артист России А.В. Бурдонский.

Заключение профессора Клесова звучало так: «У И. Сталина – типичный осетинский гаплотип, один из большого кластера осетинских гаплотипов».

Таким образом, поставлена точка в давнем споре о том, кем является Сталин по рождению.

Уæдæ афтæ, Сталины генеалогийæн разынд ног бæлвырдгæнæн æмæ йæ автор, куыд æй бакастыстут, афтæмæй фидарæй æууæнды, нырæй фæстæмæ уыцы фарст хъаугъагæнинаг кæй нал уыдзæн.

Кæронбæттæны мæ уый банысан кæнын фæнды, æмæ Сталины тематикæ, йæ политикон архайд æмæ йæ генеалоги ногæй фарсты нысан систы. Уымæн æмæ дунейы масштабы ацы стыр гоймагæн аналогтæ бирæ нæй æмæ йæ цард æвдисы, абон Сталины сæр кæй хъæуы не ‘хсæнадон царды, растдæр зæгъгæйæ та йæ, адæймагады истори йæхицæн домы рæстдзинады бындурæн…

Æз буц дæн, Сталин ирон кæй уыдис, уымæй!..

Хъодалаты Герсан

Comments are closed, but trackbacks and pingbacks are open.