24 январæй 31 январмæ Хуссар Ирыстоны территорийыл фыдракæнд не ‘рцыд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис дыууæ фæндагон-транспортон цауы. Аварийы фæстиуæгæн рынчындонмæ бахаудтой дыууæ адæймаджы.
Алыгъуызон бархалыны фӕдыл бӕрндзинадмӕ конд ӕрцыдис иу æмбæстаг.
Фæндагон змæлды æдасдзинады инспекци къуырийы дæргъы сбæлвырд кодта 378 фæткхалæн цауы. Уыдонæй 4 уыдысты нозтджынæй машинæ скъæрыны цаутæ.
Дзауы районы милицийы фæдагуырды кусджытæ Гуфтайы хъæуы баурæдтой 40-аздзыд горæттаг цæрæджы, кæцы спайда кодта марихуанайæ. Милицийы наркотикты ӕрзылды контроль кӕныны управленийы кусджытӕ та баурӕдтой 25-аздзыд бынæттон цæрæджы, кæцы спайда кодта медицинон препарат «Лирика»-йæ. Цхинвалы районы фæдагуырды кусджытæ дæр баурæдтой Дменисы хъæуы 34-аздзыд цæрæджы, кæцымæ сæ зæрдæ фехсайдта наркотиктæй спайда кæнынмæ, фæлæ фæткхалæг нæ бакуымдта медицинон басгæрстмæ.
Comments are closed, but trackbacks and pingbacks are open.