Æппæтсезонон хæххон-рекреацион комплекс «Мамысон»-ы реализацийы фæрцы Цæгат Ирыстоны туризм кусдзæн азы алы афон дæр. Ахæм хъуыды загъта туризмы фæдыл республикон комитеты сæрдары хæдивæг Салхъазанты Светланæ. «Мамысон»-ы курорты арæзтады фæрцы республикæйы туризм уыдзæн азы алы афон дæр. Зымæджы гæнæн уыдзæн къахдзоныгътыл бырын. Уымæй дарддæр ма рæзын кæндзыстæм санаторон-курортон фадыг, кæцыйы сты спа-процедурæтæ, цъыфæй хос кæнын æмæ афтæ дарддæр», – загъта уый.
Салхъазанты Светланæ ма йæ ныхасмæ бафтыдта, зæгъгæ, туристтæн сæ бон суыдзæн Ирыстоны ног фарсæрдыгæй базонынæн. «Сæйраг сезон уыдзæн уалдзæджы æмбисæй фæззæджы æмбисмæ. Республикæ æппæт сезонты дæр æвдыст æрцыд ирдæй. Азы алы рæстæджы дæр туристтæн сæ бон уыдзæн Ирыстоны ног фарсырдыгæй базонын æмæ йын йæ рæсугъддзинад фенын», – банысан кодта уый.
Comments are closed, but trackbacks and pingbacks are open.