Магнитон тымыгътæ проблемон сты метеорологион ивындзинæдтæ тынгдæр кæуыл æндавынц, ахæм адæймæгтæн. Развæлгъау бæрæггæнæнтæм гæсгæ 2022 азы январь уыдзæн бæрæг сабырдæр мæй магнитон тымыгъты планетæйы.
Магнитон тымыгътæ сæ активондзинад равдисдзысты 5-7 январы. Сæ тых бирæ нæ уыдзæн 11-13 январы цы магнитон тымыгътæ уыдзæн, уыдонæн дæр, фæлæ уый иууыл тынгдæр бандавдзæн ас адæймæгтыл, фæкарздæр уыдзысты сæ хроникон низтæ. Ахæм тымыгъмæ æнхъæлмæ кæсæн ис 15-æм январы дæр.
Радон магнитон тымыгъ уыдзæн 18 январы. Йæ активондзинад 3-4 баллæй фылдæр нæ уыдзæн, фæлæ ацы бон хи бахизын хъæуы уæззау физикон куысты-тæй.
Фæстаг тымыгъ райдайдзæн 20 январы æмæ адарддæр уыдзæн 25 январмæ. Иууыл фылдæр йæ тых – 6 баллы уыдзæн 21-22 январы.
Магнитон тымыгъты рæстæджы фылдæр хатт февзæрдæр вæййы хиæнкъарынад, адæймаг йæхи хаты лæмæгъдæр æмæ тынгдæр риссы сæр. Метеоæндæвдады бын чи ис, уыдонæн фæкъаддæр вæййы сæ куыстхъомдзинад, дыууæрдæм кæны туджы æлхъывдад, фæкарздæр вæййынц хроникон низтæ. Ацы бонты тас у зæрдæдадзинты æмæ улæфæнты низтæй чи хъæрзы, уыцы адæймæгтæн. Ахæм бонты ас адæймæгтæ хъуамæ уой хæдзары, сæхи бахизой физикон куыстытæй.
Афоныл фынæй, сыгъдæг уæлдæфмæ тезгъо кæнын, конфликтон ситуацитæй хи бахизын уæ бахъахъхъæндзæн метеоæндæвда-дæй.
Магнитон тымыгъты рæстæджы уæхи бахизут карз нозт æмæ сой хæринæгтæй, кофеин æмæ тамакодымынæй. Хæрут фылдæр дыргътæ æмæ халсартæ.
Хроникон низтæй чи хъæрзы æмæ йæ туджы æлхъывдад стабилон кæмæн нæу, уыдон хъуамæ бацæуой терапевтмæ, цæмæй куы фæтыхсой уæд сæ къухты уа хъæуæг медикаменттæ.
Comments are closed, but trackbacks and pingbacks are open.