ХЫНЦÆГТЫ ХЕТÆГ – КОНКУРС «СИНЯЯ ПТИЦА»-ЙЫ СТЪАЛЫ

Цæгатирыстойнаг 12-аздзыд лæппу Хынцæгты Хетæг ссис сывæллæтты курдиатты Æпптæуæрæсейон конкурс «Синяя птица»-йы  стъалы. «Уый чысыл лæппу нæ, фæлæ у лæг!», – банысан кодта зынгæ теле æмæ радиоуадзæг Владимир Соловьев. Номхуындæй уый аргъ кодта  ирыстойнаг æвзонг ораторæн. Хетæг бакаст монолог, кæцыйы хъайтар уыд Советон Цæдисы дыууæ хатты Хъайтар, легендарон Плиты Иссæ. Хетæгы ралæуд уыйбæрц цымыдисон уыд æмæ зæгъæн ис, уый фæндаг кæй байгом кодта йæ бæллицмæ. Хетæджы бæллицтæй иу ныридæгæн сæххæст: жюрийы уæнгтæ, кæцыйы сконды уыдысты зынгæ артисттæ Денис Мацуев, Николай Цискаридзе æмæ Сергей Безруков бар радтой лæппуйæн Гамлеты монолог бакæсынæн. Хынцæгты Хетæг архайы спорты, уадзы программæ национ телекомпани «Осетия-Ирыстон»-ы, хъазы КВН-ы æмæ, æгæрыстæмæй фыссы æмдзæвгæтæ дæр. Фидæны лæппу бæллы артист суæвынмæ, фæнд кæны режиссеры дæсныйад сахуыр кæнын дæр.

ПЛИТЫ НИКОЛЬ – «ЗОЛОТОЙ ЛУЧ»-Ы СÆРМАГОНД ПРИЗЫ ХИЦАУ

Плиты Николь ссис национ телеуынынадон преми «Золотй луч»-ы премийы хицау. Доктор Малышкина (афтæ хуыйны, Николь цы алæвæрд уадзы, уый), райста статуэткæ «Ведущий»-йы номинацийы. Банысан кæнын хъæуы уый дæр, æмæ конкурс уагъд кæй цæуы ныр 11 азы дæргъы æнæэфирон тематикон каналты ‘хсæн, кæцытæ трансляци цæуынц уырыссаг æвзагыл куыд Уæрæсейы, афтæ фæ-сарæнты дæр. Ацы аз «Золотй луч»-ы хайад райсыны тыххæй куырдæиттæ æрбалæвæрдтой 113 адæймаджы, кæцы у ре-кордон нымæц. 23 номинацийы хуыздæр-ты равзæрста профессионалон жюри.

Æрмæг бацæттæ кодта

ЧЕРТХЪОТЫ Жаннæ

Comments are closed, but trackbacks and pingbacks are open.