Цæгатирыстойнаг Хъæцмæзты Алан сæрмагонд æфсæддон операцийы хайад исы фыццаг бонтæй фæстæмæ æмæ хъæбатырæй равдыста йæхи. Нацистты ныхмæ тохгæнæг лæппу хорзæхджын æрцыд «Георгий Жуковы» «За воинскую доблесть»-ы майдантæй.
Не ’мзæххон, цæгатирыстойнаг Мичуринæйы хъæуккаг Битарты Сослан та хорзæхджын æрцыд Хъæбатырдзинады орденæй Херсоны цур тохы равдисгæ æхсардзинады тыххæй.
Ирон лæппуты фæрцы иуварсгонд æрцыдысты теракттæ
Цæгатирыстойнаг хъахъхъæныны хисæрмагонд организаци «Тактика»-йы кусджытæ Дзалаты Валери æмæ Тототы Хох службæ хæссынц Запорожьейы областы Мелитополы районы скъолатæй сæ иуы. Ирон лæппуты къæрцхъусдзинады фæрцы фæсыкк сты украинæйаг специалон службæты пълæнттæ. Уый тыххæй хъусын кæны «Школа без опасности»-йы Ассоциацийы пресс-службæ.
Дзалаты Валери æмæ Тототы Хохы бафиппайдтой 5-æм къласы ахуыргæнинаг чызджы, уымæн æмæ æгæр цымыдисæй фарста хъахъхъæнджыты куысты тыххæй, ноджы фæлвæрдта сбæрæг кæнын, кæм æмæ цы рæстæджы фæулæфынц, рæмудзæн æрмæг ссарын сæ бон у æви нæ æмæ афтæ дарддæр. Къаннæг сывæллоны фарстытыл лæппутæ бадис кодтой. Сæ зæрдæтæ йæм фехсайдтой æмæ уæд фехъусын кодтой скъолайы директорæн, хъахъхъæныны службæйы хистæрæн æмæ Запорожьейы областы фæдыл хъахъхъæнджыты къорды хистæрæн. Ацы информаци радтой Запорожьейы фæдыл оперативон радгæсæн дæр. Ирон лæппуты хъусынгæнинагмæ æппæты лæмбынæгдæр æркастысты уæрæсейаг тыхон структурæты кусджытæ.
Цалдæр суткæйы фæстæ спецслужбæтæ сбæрæг кодтой диверсион къорды, кæцыйы уæнгтæ областы цæттæ кодтой теракттæ. Сывæллон чызг 150 гривнæйыл цæттæ уыд террористтæн объекты хъахъхъæныны системæйы тыххæй информаци радтынмæ. Уый æмбаргæ дæр нæ кодта теракты амæттæгтæ йе ’мкъласонтæ кæй суыдаиккой. Арæн æхсæнад хъахъхъæныны хисæрмагонд организаци «Тактика»-йы кусджыты профессионализмы фæрцы бахъахъхъæд æрцыд бирæнымæц адæймæгты цард.
Дзалаты Валери æмæ Тототы Хохы архайдтытæн æмбæлонæй саргъ кæнгæйæ, «Школа без опасности»-йы Ассоциацийы президент Сергей Саминскийы уынаффæмæ гæсгæ хорзæхджын æрцыдысты арфæйы гæххæттытæ æмæ æхцайы премитæй.
Ацы цаутæ цыдысты октябры райдианы, фæлæ сбæрæг сты æрмæстдæр ныр.
Comments are closed, but trackbacks and pingbacks are open.