Инциденттæ ма æруадзын æмæ сæм хъусдард здахыны фæдыл механизмты фæлгæтты æрæджы цы фембæлд уагъд æрцыд, уым дзырд цыд Хуссар Ирыстон æмæ Гуырдзыстоны ‘хсæн паддзахадон арæныл æдасдзинады фарстатæ æмæ æндæр ахсджиаг хъуыддæгтыл. Ме-ханизмты форматы традицимæ гæсгæ хайад райстой Хуссар Ирыстон, Уæрæсе æмæ Гуырдзыстоны минæвæрттæ ЕÆÆО æмæ Евроцæдисы хайадистæй.
Йæ куысты хуссарирыстойнаг делегацийы сæргълæууæг, постконфликтон бæстонкæнынады фæдыл Хуссар Ирыстоны Президенты Æххæстбарджын минæвары хæдивæг Коцты Егор бакæнгæ куыстæн сарæзта хатдзæгтæ.
Фембæлды рæстæджы гуырдзиаг информацион фæрæзтæ цымыдис кодтой цæрæн пункт Хурвалеты æрцæугæ инцидентмæ. Коцты Егор куыд банысан кодта, афтæмæй Хуссар Ирыстон æмæ Гуырдзыстоны барадхъахъхъæнæг органты иттæг хорз куыст æмæ Евроцæдисы миссийы хайадистæй хъуыддаг серьезон инциденты онг нæ ахызт.
«Гуырдзиаг активист Давид Кацарава информацион тыгъдады хъусын кæны ахæм хабæрттæ, ома, уæрæсейаг æфсад бацахсынмæ хъавынц Хурвалеты территори. Фæлæ уый нæдæр паддзахадон æдасдзинады службæ æмæ нæдæр æмбæстагон æмбарад æмæ фидауыны фарстаты фæдыл паддзахадон министр Кетеван Цихелашвили нæ бафидар кодтой. Хуссар Ирыстоны архайдтой хуссарирыстойнаг территорийыл æмæ инциденты онг хъуыддаг не ‘рцыд. Уый уыд провокаци, кæцы хъавыдысты саразын гуырдзыстойнаг æмбæстагон змæлд «Тых иудзинады» активисттæ. Фæлæ сæ фæнд нæ сæххæст. Уыцы активистты гуырдзиаг полицийæгтæ куыннæ æрурæдтаиккой рæстæгыл, уæд хъуыддаг цыд бæрæг инцидентмæ», – дзырдта хуссарирыстойнаг делегацийы сæргълæууæг.
Гуырдзиаг информацион фæрæзты хъусынгæнинæгтæм гæсгæ Давид Кацарава æххуыс кодта гуырдзиаг цæрджытæн сæ хуымзæххытæ кусынæн. Æмæ, зæгъгæ, сæ бæсты хуым кодтаит зæххытæ? – уыд йæ фарст Коцты Егорæн – кæд æмæ гуырдзиаг активисты фæнды зæххытæ кусын, уæд сæ кусæт йæхи территорийыл æмæ ма æвналæт Хуссар Ирыстоны территоримæ.
Бæрæг куыд у, уымæ гæсгæ арæх фенæн вæййы Хуссар Ирыстоны уæлдæфон тыгъ-дад арæх кæй халынц æнæпилотон тæхæн аппараттæ. Уыцы фарстыл дæр цыд уынаффæ механизмты фæлгæтты, зæгъгæ, фондз æнæпилотон тæхæн аппараты уыцы иурæстæджы æрбатахтысты Хуссар Ирыстонмæ Гуырдзыстоны территорийæ. Уыдон атахтысты суанг горæт Къуайсамæ, сæ иу 20 минуты бæрц ауындзæгæй лæууыд горæты сæрмæ æмæ стæй атахт гуырдзыстоны ‘рдæм.
«Уыцы информаци тынг диссаг фæкаст гуырдзиаг фарсмæ. Иумиагæй сисгæйæ, уыцы тæхæн аппараттæ Хуссар Ирыстоны территорийыл уыдысты сахаты бæрц», – банысан кодта делегацийы сæргълæууæг.
Паддзахадон арæнтæ хæлд цæуынц регулярон æгъдауæй. Механизмты фæлгæтты иу фембæлдæй иннæмæ уыцы фарст у актуалон ацы форматы. Коцты Егор куыд банысан кодта, уымæ гæсгæ уый фæдыл стастикон бæрæггæнæнтæ æдзух алыгъуызон вæййынц гуырдзиаг фарсимæ абаргæйæ.
«Хуссар Ирыстоны информацимæ гæсгæ паддзахадон арæнтæ фехалыны тыххæй ахст æрцыдис 8 адæймаджы», – бамбарын кодта Коцы фырт.
Фембæлды ма уынаффæ цыд гума-нитарон фарстатыл, хус кæрдæгыл зынгсир-вæзтытыл, донхæргæнæн системæйыл æмæ паддзахадон арæны дыууæ фарсæр-дыгæй дæр адæмы цы проблемæтæ тыхсын кæнынц, уыдоныл.
Хуссар Ирыстон егъау хъусдард здахы арæнтæм хæстæг НАТО йы æфсад æдзух æфсæддон ахуыртæ кæй уадзы, уымæ. Механизмты фæлгæтты фæстаг фембæлды рæстæджы дæр хуссарирыстойнаг фарс раразмæ кодта ацы фарст, æмæ уæд гуырдзиаг фарс фехъусын кодта, зæгъгæ, уыдон сты командон – штабон ахуыртæ, кæцытæн ницы ахаст ис хæстон цæттæдзинад æмæ архайдмæ. Фæлæ Гуырдзыстоны информацион фæрæзтæ æндæр информаци парахат кæнынц, зæгъгæ, уыцы ахуырты фæлгæтты ахуыр кæнынц размæ бырсæн операцитæ æххæст кæныныл дæр. Уый тыххæй хуссарирыстойнаг фарс рав-дыста йæ тыхстдзинад æмæ хъусын кæны – Хуссар Ирыстоны ныхмæ цахæмфæнды провокацион архайды рæстæджы дæр кæй бахатдзыстæм нæ хъомысджын цæдисонмæ Уæрæсемæ æмæ бахъахъхъæндзыстæм, нырыонг нæ къухты цы нæ бафтыд, уыдон.
КЪÆБУЛТЫ Маринæ
Comments are closed, but trackbacks and pingbacks are open.