Омикрон-штамм кæй фæзынд, уый гæнæн ис кæрон скæна коронавирусы пандеми КОВИД-19, – нымайы Гамалеийы номыл центры вирусолог, профессор Анатолий Альтштейн. «Ног азы размæ уымæн йæ бон не суыдзæн апарахат уæвын. Зæгъæм, «Дельта» фæзынд 2020 азы фæззæджы æмæ апарахат 2021 азы май-июлы мæйты, ома, вирусы хъуыд æрдæг аз, цæмæй апарахат уыдаид», – банысан кодта уый. Омикрон-штаммы хицæндзинæдты тыххæй бæрæггæнæнтæ, кæцыты ныридæгæн райстой ахуыргæндтæ, дзурæг сты ууыл, æмæ фылдæр цауты ацы патогены вариант кæй не ‘ркæны КОВИД-19 уæззау низмæ. «Ацы вирусы вариантæн ис ахæм цымыдисон хицæндзинад: уымæн сæйраг урсаджы (S урсаг) ис 32 мутацийы, зæгъæн ис афтæ, æмæ уымæн кæй ис æнæстабилон геном, кæцы æнцонтæй мутаци кæны. Кæд æмæ йын æнæстабилон геном ис, уæд ын фыццаг рады саст æрцæудзæн, уæззау низмæ чи æркæны, уый. Мах ныридæгæн уынæм: сбæрæг сты ацы штаммæй сæдæ рынчыны, уыдонæй алчи дæр у рог рынчын, ничи дзы амард. Æцæг, фидæны гæнæн ис мæ гипотезæ раст ма уа, уымæн æмæ вирус нырма нæ бахæццæ ацæргæ адæймæгты онг. Фæстæдæр бæрæг уыдзæн. Фæлæ нырма «омикрон» нæу тæссаг вирусы хуызæн йæ уæззау фæстиуджытимæ», – загъта Анатолий Альтштейн.
«Омикрон»-ы бахæцыны къæпхæнæн саргъгæнæн уы-дзæн, рæстæг куы рацæуа, уæд, фæлæ ис шанс, ацы штаммы фæзынд кæй æркæндзæн пандемийы фæудмæ, – зæгъы вирусолог. «Æгæрыстæмæй, уый куы апарахат уа æнæхъæн дунейы, уæддæр уый уыдзæн уæлдай рогдæр низ, ныртæккæйы вирустимæ абаргæйæ. «Дельта» ацæудзæн æмæ йæ бынатмæ гæнæн ис æрбацæуа ацы вирус, фæлæ уый афтæ тæссаг эпидеми нал уыдзæн. Ныртæккæ мæлынц рынчынты 3 проценты, æмæ ацы штаммимæ низ та уыдзæн æнцондæрхæссæн. Мæлæты цаутæм гæсгæ коронавирус гриппы хуызæн куы уа, уæд нымайдзыстæм афтæ, æмæ пандеми кæй фæцис. Пандемийæн ис шанс, «омикрон»-имæ кæй фæуыдзæн, уымæй», – банысан кодта Анатолий Альтштейн.
Comments are closed, but trackbacks and pingbacks are open.