Цæгат Ирыстонæй æппæтуæрæсейаг форум «Родные-Любимые»-йы хайад райстой Габеты бинонтæ. Мадзал уагъд цыд Мæскуыйы ВДНХ-йы форум «Россия»-йы фæзуаты 19-23 январы. Габетæ рацыдысты конкурсон равзæрст æмæ ныридæгæн ацыдысты Мæскуымæ. Ныййарджытæн ис 9 сывæллоны, хорзæхджын сты «Родительская слава»-йы орденæй. Форумы хайад исдзысты «Мастер на все руки»-йы номинацийы.
«Габеты Артут æмæ Тэрэзæйæн ис 8 лæппуйы æмæ иу чызг. Бинонтæ сты активон, сывæллæттæ архайынц спортæй. Се ‘хсæн ис армрестлингæй Уæрæсейы чемпионтæ. Равзæрстгонд номинацийы бинонтæ æвдисдзысты се ‘взыгъддзинæдтæ конкурсмæ уазджыты æрбакæнынæй. 23-æм январы уыдзæн Бинонты азы цытджын æгъдауæй байгом кæныны церемони. Программæйы сæйраг хай суыдзæн бинонты артдзæст ссудзын. Церемонийы ма хайад истой уыцы бинонтæ, кæцытæ сæ цард баиу кодтой, форум «Россия»-йы субъекттæ сæ бонтæ куы уагътой, уæд. Уыдон радтой артимæ символикон нуазæн регионы Бинонты аз байгом кæныны тыххæй», – радзырдта РЦИ-Аланийы фæллойы æмæ социалон рæты министр Айдарты Алинæ.
Цæгатирыстойнаг делегаци бинонты программæ ауагъта ВДНХ-йы республикæйы стенды. Программæ уагъд цыд 20-21 январы, цыран ис мастер-къластæ адæмон æрмгуыстадæй, традицион ирон хъæзтыты равдыст, республикæйы сфæлдыстадон коллективты ралæуд. Æппæт конкурсты фæстиуæг суыдзæн Цæгат Ирыстонмæ экскурсион балц рамбулын.