Тохы бон та ныккодта Ирыстоныл, стæй æнæхъæн бæстæйыл. Фыдыбæстæ хъахъхъæнынмæ цæуынц канд æфсæддонтæ нæ, фæлæ йæ зæрдæ кæмæн риссы, уыдон се ‘ппæт дæр: æфсæддон цардмæ бар чи нæ дары, ахæм лæппутæ, медицинæйы къабазы кусджытæ, волонтнертæ… Республикæйы алы хъæутæй хæсты цæхæрмæ æнæрцухæй цæуы гуманитарон æххуыс.
Дзæуджыхъæуы Уæлахизы фæзы, Денджызон флоты бæрæгбоны фæлгæтты, байгом рæстæгмæ мобилон комплекс. Уым бадзырд саразæн ис, контрактыл æфсæддон службæ кæй фæнды, уыдонæн. Уым амонынц службæйы нысантæ, хæстæ, цавæр льготтæ сын уыдзæн, цал мæймæ бафыссæн ис контракт æмæ афтæ дарддæр.
Æфсæддон разамынд æнхъæл куыд нæ уыд, афтæ бирæ адæм æрбацыд комплексмæ. Пункт куыста райсомæй сихормæ æмæ уыцы рæстæг æрбацыд æхсайæ фылдæр лæппуйы сæ куырдиæттимæ. Фæлæ, кæд бæстæ зын уавæры ис, хæстон тых хъæуы, уæддæр дзы алкæй «хал не схауд». Æфсæддон закъонмæ гæсгæ, хæстмæ акæнæн ис æрмæстдæр 18 азæй 50 азы кармæ. Уыдон дæр сасирæй луарæгау бакæнынц. Хъуамæ уай æнæниз, дæ психикæ – фидар, дæ ивгъуыд – æнæаипп.
Уым контракт чи бафыста, уыдон Грознæйы рацæудзысты хæстон ахуырты курсытæ, семæ кусдзысты психологтæ æмæ æрмæстдæр афтæмæй уыдзæн сæ бон Украинæйы хæстон операцийы архайын.
Ахæм мобилон комплекстæ уый размæ уыди Беслæны, Æрыдоны, Налцыччы, Минводы… Цæугæ комплекс кусдзæн дарддæр алы регионты.
Ирыстонæй хæсты цæхæры чи фæмард, уыцы хъæбатырты нымæц ныртæккæ у 108 адæймаджы. Дзæнæты сæ бынат!
Нæ уацх.
Comments are closed, but trackbacks and pingbacks are open.