Хетæгкаты Къостайы номыл Паддзахадон премийы фæдыл къамис хъусын кæны

Республикæ Хуссар Ирыстоны Президенты цур Хетæгкаты Къостайы номыл Паддзахадон премийы фæдыл къамис хъусын кæны, 2016 азы 1 июлæй кæй райдайдзæн преми радтыны тыххæй кандидатты раразмæ кæныны рæстæг. Кандидатты раразмæ кæныны æмгъуыд у 2016 азы 1 сентябры.

Дæлдæр мыхуыр цæуынц Хетæгкаты Къостайы номыл Паддзахадон премийы тыххæй Уагæвæрд æмæ Хетæгкаты Къостайы номыл Паддзахадон преми радтыны тыххæй авторон уацмыстæ бавдисыны Фæтк.

Преми радтыны тыххæй документтæ æрбавдисын хъæуы ахæм адресмæ гæсгæ: г. Цхинвал, Хицауады хæдзар, 3-аг уæладзыг, РХИ-йы Президенты Администрацийы паддзахадон хорзæхты æмæ кадрон политикæйы управлени.

Бæлвырддæр зонæнтæ райсæн ис ахæм телефонæй:

45-49-97, 45-75-80

ПАДДЗАХАДОН ПРЕМИЙЫ ФÆДЫЛ КЪАМИС

Хетæгкаты Къостайы номыл Паддзахадон премийы тыххæй Уагæвæрд

Хетæгкаты Къостайы номыл Паддзахадон преми (дарддæр — преми) лæвæрд цæуы литературæ, аивад, публицистикæ, ирон филологи æмæ историон зонæдты къабæзты стыр сфæлдыстадон æнтыстыты æмæ Республикæ Хуссар Ирыстоны къультурæмæ зынгæ бавæрды тыххæй.
Преми лæвæрд цæуы дыууæ азы иу хатт алы здæхты дæр, алкæцы дæр 250 000 сомы.
Преми лæвæрд цæуы Республикæ Хуссар Ирыстоны Президенты Указæй Республикæ Хуссар Ирыстоны Президенты цур Хетæгкаты Къостайы номыл Паддзахадон премийы фæдыл къамисы (дарддæр къамис) бавдыстмæ гæсгæ.
Преми лæвæрд æрцæуы Хетæгкаты Къостайы гуырæн боны (15 октябрь).
Преми райсынмæ раразмæ æрцæуынц ахæм оригиналон авторон уацмыстæ, кæцытæ сты фæуд æмæ хаст æрцыдысты æхсæнады раразмæ (мыхуыр, æвдыст, арæзт æрцыдысты, æвдыстой сæ равдыстыты æмæ а. д.) фæстаг дыууæ азы, преми кæд лæвæрд цæуы, уыцы азы 1 июлмæ.
Преми райсынмæ кандидатты раразмæ кæнынц сфæлдыстадон цæдистæ, ахуырад æмæ зонады уагдæттæ, культурæйы уагдæттæ, РХИ-йы Культурæйы министрад, РХИ-йы Ахуырад æмæ зонады министрад.
Преми райсынмæ цы коллектив бавдыст æрцæуа, уымæн йе сконды хъуамæ уой сæйрагдæр автортæ æмæ æххæстгæнджытæ. Нæй æруадзæн премимæ бавдисгæ коллективы скондмæ административон, консультативон кæнæ организацион куысты миниуæгмæ гæсгæ бахæссын.
Преми райсыны фæдыл документтæ æмæ æрмæджытæ Къамисмæ хъуамæ бавдыст æрцæуой, преми лæвæрд кæд цæуы, уыцы азы 1 сентябрмæ. Къамис хæсджын у æхсæнадæн фехъусын кæна преми райсынмæ кандидатты тыххæй, документтæ æмæ æрмæджытæ къамисмæ куы бацæуой, уымæн йæ хæдфæстæ.
Бавдисгæ документтæ æмæ æрмæджытæм æркæсыны фæстиуджытæм гæсгæ сусæг хъæлæсæппæрстæй Къамисы куысты хайадисджыты фылдæр хъæлæсæй бæлвырд æрцæуынц премийы лауреатты кандидатурæтæ æмæ сæ Къамис бавдисы Республикæ Хуссар Ирыстоны Президентмæ премитæ сын радтыны тыххæй.
Премийы аккаг чи свæййы, уымæн лæвæрд цæуы «… азæн Хетæгкаты Къостайы номыл Паддзахадон премийы лауреат»-ы ном æмæ йын Республикæ Хуссар Ирыстоны Президент цытджын æгъдауæй радты лауреаты ном æмæ риуылдарæн нысан.
Снысангонд æхца лауреаттæн лæвæрд цæуы сфидаргонд фæткмæ гæсгæ. Преми коллективæн дæтгæйæ, лауреатты дипломтæ æмæ майдантæ лæвæрд цæуынц авторон коллективы уæнгтæй алкæмæн дæр; æхца та æмхуызон дих цæуы авторты ’хсæн.
Кæд æмæ преми æмæ æхца райсыны агъоммæ лауреат амард, уæд лауреаты диплом æмæ майдан (риуылдарæн нысан) лæвæрд цæуынц йæ бинонтæн, æхца та лæвæрд цæуы лауреаты бындартæн Республикæ Хуссар Ирыстоны архайæг закъондæттынады сфидаргонд фæткмæ гæсгæ.

Хетæгкаты Къостайы номыл Паддзахадон преми радтыны тыххæй авторон уацмысты бавдисынмæ Фæтк

Хетæгкаты Къостайы номыл Паддзахадон премийы фæдыл Къамис (дарддæр Къамис, преми) æркæсынмæ исы æрмæстдæр авторон уацмыстæ, кæцытæ, сты фæуд æмæ хаст æрцыдысты æхсæнады размæ (мыхуыр, æвдыст, арæзт æрцыдысты, æвдыстой сæ равдыстыты æмæ а. д.) фæстаг дыууæ азы, преми лæвæрд кæд цæуы, уыцы азы 1 июлмæ.
Преми радтыны тыххæй авторон уацмыстæ æмæ документтæ Къамисмæ бавдыст цæуынц, преми лæвæрд кæд цæуы, уыцы азы 1 сентябрмæ.
Текстон уацмыстæ Къамисмæ бавдыст цæуынц æртæ экземплярæй (литературæйы уацмыстæ оригиналы æвзагыл), музыкалон уацмыстæ клавиры (кæнæ партитурæйы) хуызы аудиомагнитофонон ныффыстимæ иумæ, хуызфыссынады аивады уацмыстæ оригиналы, Хетæгкаты Къостайы уацмысты мотивтæм гæсгæ кино æмæ театралон сæвæрдтыты сæххæстгонд кино æмæ театралон ролтæ профессионалон хуызфысты хуызы.
Преми райсынмæ куыстытæ раразмæгæнæг организацитæ Къамисмæ бавдисынц фыстæй куырдиат, кæцыйы амынд сты:

а) преми райсынмæ кæй бавдыстæуыд, уыцы адæймагæн йæ мыггаг, ном æмæ фыды ном (паспортмæ гæсгæ);

б) цы куыст бавдыст æрцыд, уымæн йæ ном, мыхуыр кæд æмæ кæм æрцыд (публикæйы раз сæххæст кæнын, равдисын, эксплуатацимæ йæ радтын æмæ а. д), кæд хъæуа, уæд нысан цæуы, уацмыс кæм ис, уый дæр;

в) уацмысæн аргъ кæнын, преми райсынмæ йæ раразмæ кæныны цæстæнгæстæ æмæ мативировкæтæ.

Къамисы домæнмæ гæсгæ бавдыст цæуынц ахæм зонæнтæ, кæцытæ бæлвырд кæнынц, уацмысы уæрæх æхсæнад кæй банымадта.

Фыст куырдиатимæ ма хъуамæ уой:

а) организацийы къухдариуæггæнæг органы рабадты суагъæ, кæцыйы скъуыддзаг æрцыд преми райсынмæ бæрæг кандидатурæйы раразмæ кæныны тыххæй фарст;

б) кандидаты тыххæй зонæнтæ: мыггаг, ном, фыды ном, псевдоним, райгуырды аз, нацийы хатт, ахуырдзинад, дæсныйады фæдыл куысты стаж, кадджын æмæ ахуыргонды нæмттæ, хорзæхтæ, куысты бынат æмæ цахæм куыст кæны, контактон зонæнтæ, æртæ фотокарточкæйы; зонæнтыл сæ къухтæ фыссынц кандидат æмæ йæ бавдисæг, йе сфæлхасадон истори æмæ сæйрагдæр зонæнтæ равдисгæйæ (рауагъдты нымæц æмæ тираж, цал хатты æххæст æвæрд, равдыст æрцыд æмæ а. д);

в) уацмысы æхсæнадæн базонгæ кæныны боны тыххæй бæлвырдгæнæн (чиныджы базонгæ кæныны боны тыххæй бæлвырдгæнæн (чиныджы, афишæйы, музыкалон уацмысты фыццаг сæххæсты мыхуырон программæ æмæ а. д);

г) къамисы домæнмæ гæсгæ бавдыст цæуы кандидаты тыххæй сфæлдыстадон характеристикæ.

Фыстæй куырдиат æмæ йемæ æрмæджытæ бавдыст цæуынц дыууæ экземплярæй æмæ сæ фидар кæны раразмæгæнæг организаци.

Раразмæгæнæг организацийæн йæ бон у Къамисмæ барвита æрмæджытæ уацмысæн æхсæнадон аргъы тыххæй, цалынмæ кандидаты фæдыл Къамис уынаффæ нæ райста, уæдмæ.