УФ-йы Президент Владимир Путины Барамындæй 102-æм æфсæддон базæйы (Сомихстоны дислокацигонд дæлхай у Хæдбар Паддзахадты Æмхæларады арæнты коллективон æдасдзинады кæройнаг бастион) командир Елхъанты Владимирæн лæвæрд æрцыд Уæрæсейы Федерацийы Гарзджын тыхты инæлар-майоры æфсæддон цин.
Елхъанты Владимир райгуырд 1965 азы 19-æм декабры. Советон Цæдисы маршал А.И. Еременкойы номыл Орджоникидзейы уæлдæр иумиагæфсæддон командон дыууæ хатты Сырхтырысаджын ахуыргæнæндон каст фæуыны фæстæ, службæ кæнын райдыдта æфсæдты хуссар къорды мотоæхсæг взводы командирæй. Йе службæ адарддæр кодта Буденновскы 205-æм бригадæйы ротæйы командирæй. Хуссар æфсæддон зылды куыста командон æмæ штабон бынæтты, хæстон хæстæ æххæст кодта æндыгъд бæстæты. Уыд штабы хистæр, батальоны командир, полкы штабы хистæр, бригадæйы штабы хистæр. Каст фæцис М.Ф.Фрунзейы номыл Æфсæддон академи. Хорзæхджын у Суворовы I æмæ II-аг къæпхæнты майдантæ «За отвагу», «За отличие в воинской службе»-йæ, «За заслуги перед Отечеством»-ы II-аг къæпхæны орденæй.
Comments are closed, but trackbacks and pingbacks are open.