Президент Бибылты Анатоли раарфæ кодта Донецкы Адæмон Республикæйы сæргълæууæг Денис Пушилинæн Донецкы Адæмон Республикæйы сырæзтыл 8 азы сæххæсты цытæн.
Арфæйы телы дзырдæуы:
«Цытджын Денис Владимиры фырт, зынаргъ хæлæрттæ!
Донецкы Адæмон Республикæйыл сæххæст 8 азы. Уый у цъус рæстæг паддзахадæн. Фæлæ Донецкы Адæмон Республикæйы хæдбардзинад хъахъхъæныны фæдыл цы цаутæ æрцыд, цы фыдæбон, хъайтардзинад лæвæрд æрцыд, Донбассы адæм хъахъхъæныны тыххæй, зæгъæн ис, уый кæй у æнæхъæн цард.
Ацы бонты мах нысан кæнæм Стыр Фыдыбæстæйон хæсты Уæлахизы бон. 77 азы размæ нæ фыдтæ æмæ нæ дадаты ныфс уыди, фашизмыл кæй фæтых сты, кæй нал сисдзæн йæ сæр уæлæмæ.
Донбассы зæххыл тох кæнынц фашизмы ныхмæ. Стыр Фыдыбæстæйон хæсты хъайтарты фырты фырттæ æвдай авд азы фæстæ ногæй тох кæнынц нацизмы ныхмæ, кæцы адæмæн хæссы зиæнттæ.
Фæлæ Донбассы адæмы нæ ныууагътой иунæгæй, уыцы фыдбылызимæ. Стыр Уæрæсе йæ хъахъхъæны. Нацизмы ныхмæ цы хæстонтæ тох кæнынц, уыдоны рæнхъыты сты ирон хæстонтæ дæр. Тох кæнынц, цæмæй нæ адæмыл кæса хур, цæмæй макæмæн уа уый бар æмæ адæмы цард æмæ сæрибардзинадыл къухдариуæг кæна. Цæмæй Донецкы Адæмон Республикæйы цæрджытæн, рæстдзинадыл хæцæг, кусæгуарзон адæмæн, сæ бон уа сабыр арвы бын цæрын, сæ бон уа мадæлон æвзагыл дзурын, сæ бон уа кусын æмæ сæ республикæ рæзын кæнын. Цæмæй Донецкы Адæмон Республикæйы адæм æдасæй нысан кæной сæ республикæйы бон.
Зынаргъ хæлæрттæ, æппæт адæттæ æнæмæнгæй уыдзысты, уыдзæн сабыр демонстрацитæ, концерттæ, сабыр цард æввахс у, мах фæуæлахиз уыдзыстæм!
Республикæ Хуссар Ирыстоны адæм, сæрмагондæй мæхи номæй арфæ кæнын Донецкы Адæмон Республикæйыл 8 азы сæххæсты цытæн. Донецкы Адæмон Республикæйæн мæ цæст уарзы сабырад, дидинæфтыд æмæ фæрныгад!»
Comments are closed, but trackbacks and pingbacks are open.