Республикæ Хуссар Ирыстоны Президент Бибылты Анатоли раарфæ кодта Луганскы Адæмон Республикæйы Сæргълæууæг Леонид Пасечникæн Луганскы Адæмон Республикæйы сарæзтыл 6 азы сæххæсты цытæн.

Арфæйы телы дзырдæуы:

«Цытджын Леонид Иваны фырт!

Хуссар Ирыстоны адæмы æмæ сæрмагондæй мæхи номæй арфæ кæнын дæуæн æмæ Луганскы Адæмон Республикæйы æппæт адæмæн Луганскы Адæмон Республикæйы сарæзтыл 6 азы сæххæсты цытæн.

2014 азы 12 май ссис Луганскы Адæмон Республикæйы патриотизмы æмæ национ иудзинады символ, йæ тырнындзинад сæрибар, хæдбар, демократон паддзахад саразынмæ. Абоны бон Луганскы Адæмон Республикæ æрмæст суверенон-барадон паддзахад нæу, фæлæ ма у иууон адæм, кæцыйы æнгом кæнынц иумæйаг хæзнатæ, духовон хъуыдыкæнынад, историон хъысмæты иумæйагдзинад. Бæстæйы къухдариуæгады архайды фæрцы фидар цæуынц демократон институттæ, рæзы æмбæстагон æхсæнад.

Ныфс мæ ис, Республикæ Хуссар Ирыстон æмæ Луганскы Адæмон Республикæйы ‘хсæн цы хæларадон ахастытæ сæвзæрыд, уыдон дарддæр дæр динамиконæй кæй рæздзысты æмæ кæй фидар кæндзысты дæ комкоммæ хайадистæй.

Ацы нысаниуæгджын боны, цытджын Леонид Иваны фырт, мæ цæст уарзы дæуæн æмæ Луганскы Адæмон Республикæйы адæмæн æнæниздзинад, сабырад, дидинæфтыд».

***

Республикæ Хуссар Ирыстоны Президент Бибылты Анатоли раарфæ кодта Донецкы Адæмон Республикæйы Сæргълæууæг Денис Пушилинæн Донецкы Адæмон Республикæйы сарæзтыл 6 азы сæххæсты цытæн.

Арфæйы телы дзырдæуы:

«Цытджын Денис Владимиры фырт!

Хуссар Ирыстоны адæмы æмæ сæрмагондæй мæхи номæй арфæ кæнын дæуæн æмæ Донецкы Адæмон Республикæйы æппæт адæмæн Донецкы Адæмон Республикæйы сарæзтыл 6 азы сæххæсты цытæн.

2014 азы 11 май ссис хъысмæт скъуыддзаггæнæн бон, кæцы нысан æрцыд ног паддзахады сæвзæрдæй æмæ Донбассы адæмы ног историон дугæй. Донецкы Адæмон Республикæ у бæрзонд потенциалимæ паддзахад. Бæстæйы къухдариуæгады архайды руаджы царды æххæст цæуынц адæймаджы хæрзиуæгон æмæ социалон рæстдзинады бæрзонд идеалтæ, фидар цæуынц демократон институттæ, рæзы æмбæстагон æхсæнад.

Республикæ Хуссар Ирыстоны æмæ Донецкы Адæмон Республикæйы ‘хсæн ахастыты æппæт ахсджиаг аспекты фæдыл конструктивон æмгуыстады рæзт банысан кæнгæйæ, мæн ныфс ис, уый дарддæр дæр арæзт кæй цæудзæн хæлардзинады, кæрæдзийæн аргъ кæныны æмæ нæ адæмты ‘хсæн кæрæдзийæн æххуысы рагон традициты бындурыл.

Донбассы адæмæн мæ цæст уарзы сабырад, фæрныгад æмæ дидинæфтыд, дæуæн та, цытджын Денис Владимиры фырт, æнæниздзинад, ног æнтыстытæ Фыдыбæстæйæн лæггад кæныны хъуыддаджы дæ бæрзонд паддзахадон бынаты».

Comments are closed, but trackbacks and pingbacks are open.