Сырх Дзуары Æхсæнадæмон Комитет дарддæр йæ хæрзиуæгон архайд кæны Хуссар Ирыстоны территорийыл, йæ кусджытæ кусынц æмбæстæгты æндæр æмæ æндæр фарстатæ ахуыр кæнын æмæ сæ скъуыддзаг кæныныл. 1990-2008-æм азты конфликты фæстиуæгæн æбæрæгæй чи фесæфт, уыдон хъысмæт базонын æмæ сын сæ бынат сбæрæг кæнын у Комитеты сæйрагдæр хæстæй иу. Æмархайд кæны æбæрæгæй фесæфæг адæймæгты бинонты уæнгтæ æмæ хицауады структурæтимæ. Комитет уал среализаци кодта ахæм архайдтытæ:
– Комитеты кусджытæ æмæ тæрхондоны эксперттæ федтой 3 зæрдæхсайгæ ныгæнæн бынаты;
– Программæйы фæлгæтты организацигонд æрцыд дыууæ мадзалы æбæрæгæй фесæфæг адæймæгты бинонты уæнгтæн психосоциалон æххуысы фæдыл;
– Æбæрæгæй фесæфæг адæймæгты бинонты уæнгтимæ уыд 3 фембæлды;
– амардæуыд, уыдон кæм ныгæд сты, уыцы зонæнтæ базоныны тыххæй;
– Æрæмбырд чындæуыд 3 биологон хуызæгтæ 1990-2008-æм азты хæстон конфликты рæстæджы Комитеты кусджытæ ауагътой фембæлдтытæ 11 информацийы фæдыл, кæй
фесæфæг бинонты ‘хсæнæй æмæ æндæртæ.
Бинонты бастдзинад сæндидзын кæныны Программæйы фæлгæтты Сырх Дзуары Комитет æххуыс кæны, конфликты фæстиуæгæн йæ хæстæджытæ æмæ хиуæттимæ бастдзинад кæмæн нал ис, уыдонæн, фадат сын дæтты Сырх Дзуары Ныстуан хиуæттæм арвитынæн кæнæ та сæ сифтонг кæны телефонон бастдзинадæй, номхуындæй та сæ бинонты уæнгтæн æххуысы охыл ауагътой телефонон 8 бастдзинад æмæ 2 хатты та спайда кодтой видеобастдзинадæй.
Сырх Дзуары Æхсæнадон Комитеты кусджытæ бацæуынц, ахæстоны чи бады, уыдонмæ. Уымæй дарддæр ма æххуыс кæнынц ахæстæттæ æмæ уыдон бинонты ‘хсæн бастдзинад аразынæн. Зæгъæм, уыцы нысанæн сын ауагътой 4 фембæлды, комитеты Ныстуан барвыстой 3 хатты, æрæмбырд чындæуыд ахæстæтты бинонтæн 3 дзыхæйдзургæ хъусинаджы.
Комитет, куыд нейтралон æхсæны минæвар, афтæ æмархайд кодта æнæаргъæвгæ медицинон æххуыс бакæныны хъуыддаджы æмæ рынчын адæймæгты æмбæлорн рынчындæттæм аласта 111 хатты, æххуыс та бакодта 106 пациентæн. Уымæй дарддæр ма Комитет ортопедион æххуысы тыххæй радта дыууæ инвалидон коляскæйы, дыууæ къайы лæдзгуытæ æмæ æндæр ахæмтæ. Дыууæ адæймаджы та спайда кодтой Дзæуджыхъæуы ортоцентры лæггæдтæй.
Сырх Дзуары Комитет дарддæр дæр æххуыс кæны æмбæстæгты иууыл тыхстдæр æмæ æвæрæздæр категорийы цæрджытæн. Цæвиттон, 239 адæймагæн алы квартал дæр гуманитарон æххуыс бакæнынц хæлцад æмæ гигиенæйы фæрæзтæй. Номхуындæй, хæлцады пакетты иумиаг нымæц уыд 1434 æмæ гигиенæйы фæрæзтæ та уыдысты 478. Адæймаджы фыццаг рады цы хъæуы, уыдон нымæц та у ахæм: суджы пецтæ 7, брезенттæ 5 кæттаджы, 1 хъармгæнæн æмæ иу комплект та хуыссæны цъæрттæ. 11 иунæг æмæ ацæргæ æмбæстæгтæм æдзухдæр цыдысты сæ цæрæн хæдзæрттæм санитарон æххуысы тыххæй.
ХУЫБИАТЫ Никъала
