Президент Бибылты Анатоли фембæлд Бразилийы Республикæ Хуссар Ирыстоны Фæсарæйнаг хъуыддæгты министрады минæвар Тыбылты Андреимæ.
Фембæлды ма хайад райста РХИ-йы Фæсарæйнаг хъуыддæгты министр Медойты Димитр.
Тыбылты Андрей Президентæн радзырдта йæ куысты тыххæй, афтæ ма Бразилийы политикон тыхтæ æмæ бизнесы минæвæрттимæ ахастытæ сфидар кæныны перспективæтыл.
Йæ рады Бибылты Анатоли банысан кодта Хуссар Ирыстоны позицитæ дунейы сфидар кæныны ахсджиагдзинад.
«Андрей Василийы фырт, стыр бузныг дын, Латинаг Америкæйы ды цы куыст æххæст кæныс, уый тыххæй. Уый æнæмæнгхъæуæг у. Æмæ ахсджиаг сты ахæм къахдзæфтæ, кæцытæ арæзт цæуынц, цæмæй республикæйы базоной, цæмæй Хуссар Ирыстоны цы процесстæ цыдысты, уыдон æмæ нæ паддзахады барадон бындуртæ зындгонд æмæ æмбæрстгонд уой дунейы. Махæн тынг бирæ хæлæрттæ ис Латинаг Америкæйы, уымæн æмæ уыдон сты уыцы бæстæтæ, кæцытæ сæхæдæг дæр тох кодтой сæ сæрибардзинады сæрыл. Æмæ уыдонæн дæр æмбæрстгонд æмæ æввахс у нæ тох Гуырдзыстонæй хæдбардзинады сæрыл. Мах иумæ тынгдæр кæндзыстæм ацы куыст, бæстон кæндзыстæм æмахастытæ экономикæйы, культурæйы æмæ æндæр къабæзты, кæцытæ цымыдис сты кæрæдзийæн», – банысан кодта паддзахады сæргълæууæг.
Comments are closed, but trackbacks and pingbacks are open.