Цхинвалы районы Культурӕйы управленийы (йӕ хистӕр Гаглойты Ростислав) куыст азӕй-азмӕ хуыздӕр кӕй кӕны, уый зӕрдӕйӕн ӕхсызгон у. Культурӕйы объектты материалон-техникон базӕйы иф-тонгдзинад ӕмӕ сфӕлдыстадон коллективты профессионалон ӕмвӕзад кӕй фӕбӕрзонддӕр, уымӕ гӕсгӕ ацы уагдоны куыст ивгъуыд азы здӕхт уыд цӕрджыты улӕфт мидисджындæр кæнын ӕмӕ фӕсивӕды национ культурӕмӕ ӕрбаввахсдӕр кӕнынмӕ. Раздӕр азты цы сфӕлдыстадон коллективтӕ сырӕзт, уыдон сты адӕмон ансамбль «Амонд», фольклорон ансам-бль, адӕмон театр, вокалон къорд «Ирон фӕндыр». Уыдон раджы систы уарзон ӕнӕхъӕн республикӕйы аивадуарзджы-тӕн. Афтӕ ма Культурӕйы управленийы сконды сты вокалон-инструменталон ан-самбль «Арвырон», Къостайыхъӕу, Хелцуа, Тъбет, Дменисы хъæуты архайæг хореографион ансамблтӕ, стӕй ма алы-гъуызон хӕдархайгӕ аивадон къордтӕ.
Куыд уымӕй размӕ азты, афтӕ та хыгъдон рӕстӕджы дӕр райдыдтой Ногазон мадзӕлттӕм бацӕттӕ кӕнын ӕмӕ ауа-дзынӕй. Хъӕууон клубтӕн уӕрст ӕрцыд ногазон лӕвӕрттӕ, ауагътой бӕрӕгбонон изӕртӕ, утренниктӕ, концерттӕ. Тъбеты Культурӕйы хӕдзары та ауагъдӕуыд Ногазон карнавал районы сывӕллӕттӕн. Сыгъдӕг Валентины боны цытӕн хъӕууон культурӕйы уагдӕтты равдыстой эстрадон концерттӕ ӕмӕ централон библиотекӕйы кусджыты хъӕппӕрисӕй та ауагъдӕуыд мадзал «Уарзӕтты боны» тыххӕй. Фыды-бӕстӕ Хъахъхъӕнӕджы боны цытӕн клубты уыд фембӕлдтытӕ ӕфсӕддон служ-бӕгӕнджытимӕ, концерттӕ та равдыстой арӕнгӕрон заставӕты. Сылгоймӕгты Ду-неон бон – 8-ӕм марты цытӕн ӕппӕт клубты дӕр ауагъдӕуыд бӕрӕгбонон ма-дзӕлттӕ, сӕ хайадисджытӕн та лӕвӕрд ӕрцыдысты зӕрдылдарӕн лӕвӕрттӕ. Юмор ӕмӕ худыны боны цытӕн культурон объектты уагъд ӕрцыдысты хъæлдзæг мадзӕлттӕ. Стыр Уӕлахизы боны цытӕн клубтӕ ӕмӕ библиотектӕтӕ сфӕлыстой фотостендтӕ ӕмӕ Стыр Фыдыбӕстӕйон хӕстыл фыст чингуыты, ирон адӕмы хъайтартӕй, сорганизаци кодтой фембӕлд-тытӕ ветерантимӕ ахӕм темӕйыл «Ӕну-сон цыт хъайтартӕн». Уыдонӕн раарфӕ кӕнынмӕ цыдысты Культурӕйы управленийы кусджытӕ ӕмӕ сфӕлдыстадон ин-теллигенцийы минӕвӕрттӕ.
Майы мӕйы уагдоны кусджытӕ ӕмӕ сфӕлдыстадон коллективтӕ хайад райс-той, Зары хъӕуы трагедийы чи бабын, уыдон рухс нӕмттӕ арæн митинджы ӕмӕ Республикӕ Хуссар Ирыстоны хӕдбар-дзинад расидыны Акты цытӕн Ногдзауты парчы мадзалы. Районы Централон библиотекӕ ӕмӕ Культурӕйы хӕдзары кусджытӕ ауагътой ӕркаст-конкурс кæсы-нæй ӕмӕ театралон жанрӕй Хетӕгкаты Къостайы уацмыстӕм гӕсгӕ, афтӕ ма ахуырдзауты ‘хсӕн ӕркаст-конкурс хореографийӕ. Централон библиотекӕйы уагъд ӕрцыд чиныгкӕсджыты конференци Гӕдиаты Секъайы ӕнӕмӕлгӕ уацмыс «Азау»-ӕй. Культурӕйы управленийы минӕ-вӕрттӕ июны мӕйы хайад райстой «Ӕх-сыр ӕмӕ уымӕй арӕзт хӕринӕгтӕ», зӕгъ-гӕ, ахӕм темӕйӕ республикон конкурсы. Дменисы хъӕууон Культурӕйы хӕдзары 8-ӕм августы ауагъдӕуыд, 2008-ӕм азы ав-густы хӕсты чи бабын, уыдон нӕмттӕ арыны тыххӕй изӕр. Афтӕ ма Культурӕйы уп-равлени хайад райста РХИ-йы Хӕдбардзинад расидыны боны цытӕн бацӕттӕгонд мадзалы. Стыр куыст бакодта ацы уагдон 20 сентябры Хӕдбардзинад банымайыны боны цытӕн мадзӕлтты дӕр. Развӕлгъау бацӕттӕгонд планмӕ гӕсгӕ хъӕуты уагъд ӕрцыдысты бӕрӕгбонон мадзӕлттӕ. Ногдзауты парчы территорийы организаци ӕрцыд ирон къӕбиц, уагъд дзы ӕрцыд бӕрӕгбонон концерт.
Культурӕйы управленийы кусджытӕ хайад райстой бӕгӕныфыцджыты ӕр-вылазон конкурсы, кӕцы уагъд фӕцӕуы Цхинвалы горӕты ӕмӕ дзы сӕ минӕ-вӕрттӕ бацахстой фыццаг ӕмӕ ӕртыккаг бынӕттӕ. Уый фӕстиуӕгӕн сӕ фӕхуыд-той, Дзӕуджыхъӕуы бӕгӕныфыцджы-тӕн цы конкурс уагъд цыд, уырдӕм дӕр ӕмӕ ацы ран дӕр районы минӕвар бацахста фыццаг бынат. Зындгонд куыд у, аф-тӕмӕй 2019 аз расидт ӕрцыд, ирон литературæ æмæ литературон ӕвзаджы бындурӕвӕрӕг Хетӕгкаты Къостайы азӕй. Уымӕ гӕсгӕ развӕлгъау бацӕттӕгонд планмӕ гӕсгӕ азы дӕргъы хъӕууон клубтӕ ӕмӕ библиотекӕты стыр гоймаджы сфӕлдыстады цытӕн уагъд цыдысты чингуытӕ ӕмӕ иллюстрацигонд рауадзгӕ ӕрмӕджытӕй равдыстытӕ, тематикон ӕмӕ поэзийы изӕртӕ, диспуттӕ. Громы хъӕууон клубы ауагъдӕуыд тематикон изӕр-фембӕлд сылгоймаг фысджытӕ Чехойты Оля ӕмӕ Наниты Асиатимӕ. Къостайы 160 азы юбилейы цытӕн ма фембӕлдтытӕ уыд сфӕлдыстадон ин-теллигенцийы минӕвӕрттимӕ, равдыстой концерттӕ, бацӕттӕ кодтой равдыстытӕ. Ацы уагдоны кусджытӕн традици сси пансионат «Забота»-мӕ фӕуазӕг уӕ-вын ӕмӕ уыцы фӕтк нӕ ферох кодтой ныр дӕр. Сӕ зӕрдӕтӕ сын бахъӕлдзӕг кодтой сӕ аивадӕй, байуӕрстой сын ад-джинӕгтӕ. Хӕдархайгӕ аивадон коллективтӕ хайад райстой «Ӕппӕт дунемӕ аргъуан», зӕгъгӕ, ахӕм республикон фестивалы.
Хыгъдон рӕстӕджы Культурӕйы управленийы сфӕлдыстадон коллективтӕ равдыстой 22 концерт ӕмӕ 11 спектаклы ӕмӕ сын сӕ арӕхстдзинадмӕ бакастысты канд районы нӕ, фӕлӕ ма ӕппӕт республи-кӕйы аивадуарзджытӕ дӕр. Ивгъуыд аз октябры мӕйы адӕмон ансамбль «Амо-нд» хайад райста горӕт Сочӕйы «Гранд-Сочи»-йы дыккаг ӕхсӕнадӕмон аивад ӕмӕ сфӕлдыстадон конкурс-фестивалы, цыран бацахста фыццаг бынат ӕмӕ райста Гран-при. Сфӕлдыстадон коллектив-тӕ хыгъдон концерт ӕнтысгӕйӕ равдыстой киноконцертон зал «Чермен»-ы. Республикӕйы Культурӕйы министрады фи-нансон ӕххуысы фӕрцы адӕмон ан-самбль «Амонд» ӕмӕ адӕмон театр равдыстой Къуайсайы горӕт ӕмӕ Знауыры поселочы фӕллойгӕнджытӕн хӕрзаудӕн концерт ӕмӕ спектакль.
Иумиагӕй сисгӕйӕ, абоны бон районы культурӕйы объектты материалон-техни-кон базӕйы уавӕр мӕгуырау нӕу. Фӕлӕ уӕддӕр нырма цалцӕг не ‘рцыд Дменисы Культурӕйы хӕдзар, хъӕууон клубты сфӕлдыстадон коллективтӕн нӕ фаг кӕны кафӕн уӕлӕдарӕс, службӕйон машинӕтӕ базæронд сты ӕмӕ сӕ цалцӕг кӕнынӕн бахъӕуы дзӕвгар хӕрдзтӕ. Уӕлдай банысанкӕнинаг у уый, ӕмӕ абоны онг ансамбль «Амонд»-ӕн нӕ рахицӕн кодтой штатон иуӕгтӕ ӕмӕ уымӕ гӕсгӕ артистты ӕмбис кусынц æрдæг штаттыл. Уый аххосӕй артистты ивылындзинад у бӕрзонд. «Амонд» у республикӕйы раззагдӕр сфæлдыстадон коллективтӕй сæ иу, бирӕ æппӕтуæрæсейон ӕмӕ æхсӕнадӕмон фестивалты лауреат ӕмӕ призер. Зӕгъӕн ис ӕмӕ «Амонд» кӕй у паддзахадон ансамбль «Симд»-ы кадрты куырдадз.
ХУЫБИАТЫ Никъала
Comments are closed, but trackbacks and pingbacks are open.