Дзæуджыхъæуккаг ахуыргæнæг Кадзоты Иринæ бакуыста йæхи сæрмагонд методикæ ирон æвзаг амоныны тыххæй. Уыимæ æрмæст йæ райгуырæн бæстæйы нæ, фæлæ бæстæйы алы горæтты дæр. Йæ онлайн-уроктæм сæхи ныффыссынц Мæскуы, Санкт-Петербург, Израиль æмæ Германæй.
Иринæ у профессионалон ахуыргæнæг, фондз азы бакуыста скъолайы, уый фæстæ ацыд телеуынынадмæ. «Сапе»-йæн йæ интервьюйы та, зæгъгæ, мадæлон æвзагæй курсытæ бакæныны идея йæм фæзынд, ирон æвзагыл дзурын фылдæр адæмы куы бафæндыд, уæд. «Æгæрыстæмæй, скъолайæ куы ацыдтæн, уæддæр-иу мæм бахатыдысты ныййарджытæ, цæмæй сын æххуыс кодтаин сæ сывæллæттæн сæ хæдзарон хæслæвæрдтæ саразынæн. Æмæ мæм уый фæстæ та бахатыдысты хистæр кары адæймæгтæ, кæцыты фæнды мадæлон æвзагыл дзурын», – дзуры Кадзоты Иринæ.
Йæ ахуыргæнинæгты ‘хсæн фæсивæд цъус нæй. Уыдонæй бирæтæ ацыдысты æндæр регионтæ æмæ бæстæтæм, фæлæ сæ нæ фæнды сæ уидæгтæ рох кæнын. «Мæ алыварс цы адæм æрбамырд сты, уыдонæн бауырнын кодтон, цæмæй дзурой æрмæстдæр ирон æвзагыл æмæ адæм райдыдтой мемæ ныхас кæнын. Бирæты фæнды æрмæст æвзаг зонын нæ, фæлæ ма ирон æгъдæуттæ æмæ традициты тыххæй дæр зонын». Ныртæккæ ахуыргæнæг йæ методикæйæ ахуыр кæны æрмæст ахуыргæнинæгты нæ, фæлæ æвзонг ахуыргæнджыты дæр.
«Фæнды мæ равдисын, ирон æвзаг кæй у рæсугъд, хъæздыг æмæ йыл хъæуы дзурын. Мæ хъуыдымæ гæсгæ, ирон æвзаг хъуамæ хъуыса æрмæст хæдзары кæнæ скъолайы нæ, фæлæ хъуамæ рахиза ног æмвæзадмæ. Ирон æвзагыл дзурæг эксперттæ хъуамæ уой фылдæр. Билдингы форматы мадзæлттæ хъуамæ уагъд цæуой арæхдæр. Тымбыл фынгтæ æмæ конференцитæ, гæнæн ис, уагъд цæуой дыууæ паддзахадон æвзагыл», – радзырдта Кадзоты Иринæ.
