АРФÆТÆ

Президент Бибылты Анатоли раарфæ кодта Уæрæсейы Федерацийы Президент Владимир Путинæн Уæрæсейы Федерацийы Конституцийы боны цытæн.

Арфæйы телы дзырдæуы:

«Цытджын Владимир Владимиры фырт!

Республикæ Хуссар Ирыстоны къухдариуæгады, йæ адæмы æмæ дын сæрмагондæй мæхи номæй æрвитын зæрдиаг арфæтæ паддзахадон бæрæгбон – Уæрæсейы Федерацийы Конституцийы боны цытæн.

12 декабрь у сæйраг документы райсты бон æмæ уæрæсейаг политикон системæ æмæ закъоны райдиан. Конституци бæрæг кæны алы уæрæсейаджы бæрндзинад Уæрæсейы хъысмæты, уый у æппæт бартæ æмæ сæрибардзинæдты, æдасдзинад æмæ сомбоны ныфсы гарант.

Абон, дунейон политикон аренæйы сæвзæргæ зын уавæрты, æнæмæнгхъæуæг у зæрдыл дарын, хи  бартæм æмæ хæстæм лæмбынæг ахасты фæрцы кæй фæдывæр уыдзысты Уæрæсейы тых æмæ хъомысдзинад.

Ныфс мæ ис, æмцæдисон хуссарирыстойнаг-уæрæсейаг ахастытæ, кæцытæ бындуриуæг кæнынц бирææнусон хæлардзинадыл, дарддæр дæр кæй фидар кæндзысты  æмæ рæздзысты нæ адæмты хорз фидæны сæраппонд.

Мæ цæст уарзы, цытджын Владимир Владимиры фырт, дæуæн æмæ Уæрæсейы Федерацийы æппæт цæрджытæн сабырад, хорздзинад, фæрныгад æмæ дидинæфтыд»

 

***

Хуссар Ирыстоны энергетикон фадыджы цытджын кусджытæ!

Арфæ уын кæнын профессионалон бæрæгбоны цытæн!

Энергокомплекс у республикæйы экономикæйы ахсджиаг хай, кæцы ифтонг кæны цæрджыты домындзинæдтæ энергоресурстæй, транспорты, организациты æмæ уагдæтты, цардархайды æндæр фадгуыты стабилон куыст.

Уæ куысты эффективондзинад æмæ гъæдæй бирæбæрцæй кæнгæ у социалон-экономикон рæзты фæдыл паддзахадон программæйы реализаци, не ‘мбæстæгты царды æмвæзад фæбæрзонддæр кæнынæн уавæртæ саразын.

Абон ацы фадыджы цæуы ахсджиаг ивындзинæдтæ, кæцытæ ифтонг кæнынц республикæйы энергетикон æдасдзинд. Нæ фæрæдийдзынæн, Ручъы тунелыл резервон электроадæттæн хахх эксплуатацимæ лæвæрд кæй æрцыд, кæцы иу æрцыд Уæрæсейы къухдариуæгады фæрцы, сараздзæн паддзахады экономикæйы тагъд рæзтæн разæууæлтæ.

Аивгъуыйгæ аз æрмæст ацы цауæй нысан не ‘рцыд. Энергетиктæ сцалцæг кодтой æмæ раивтой электрохæххытæ – 12 км, сæ фылдæр хай районты. Афтæ ма ахсджиаг мадзæлттæй сæ иу уыд ног электроадæттæн хахх саразын Нагутнийы донхосгæнæнмæ, кæцы фадат ратдзæн курорты лæггæдтæ ног æмвæзадмæ ракæнынæн.

Фадыджы инфраструктурæ ног кæныныл куыст дарддæр цæуы.

Бузныджы ныхæстæ мæ фæнды зæгъын республикæйы энергокомплексы æппæт кусджытæ æмæ ветерантæн бæрзонд профессионализм, бæрндзинад æмæ хъуыддагыл æнувыддзинады тыххæй. Ныфс мæ ис, дарддæр дæр сымах æнтыстджынæй кæй скъуыддзаг кæндзыстут уæ разылæууæг хæстæ.

Зынаргъ хæлæрттæ! Мæ цæст уын уарзы фидар æнæниздзинад, оптимизм, фæрныгад, æнæаварийон куыст.

 

Республикæ Хуссар Ирыстоны Хицауады

Сæрдар Бекъойты Геннади