Арфæтæ

АРФÆ ÆХСАРДЗИНАД ÆМÆ АДÆМОН  ИУДЗИНАДЫ БОНЫ ЦЫТÆН

Донецкы Адæмон Республикæйы Сæргълæууæг Денис Пушилин раарфæ кодта Президент Бибылты Анатолийæн Æхсардзинад æмæ адæмы иудзинады боны цытæн.

Арфæйы телы дзырдæуы:

«Цытджын Анатоли Ильяйы фырт!

23 ноябрь у Æхсардзинады æмæ адæмы иудзинады бон, республикæйы сæйраг зæрдылдарæн бонтæй сæ иу, кæцы историмæ бацыд, куыд уæ паддзахады хъайтарон азфысты райдиан, афтæ.

Хуссар Ирыстоны ныхмæ Гуырдзыстоны агресси  райдыдта уыцы бон – 1989 азы 23 ноябры. Уæд хуссайраг ирæттæ, иу уысм дæр нæ ахъуыды кæнгæйæ, слæууыдысты сæ Райгуырæн бæстæ хъахъхъæнынмæ æмæ горæтмæ æрбахизæны фæндаг æрæхгæдтой. Уыдон райстой хъысмæтскъуыддзаггæнæн уынаффæ – гуырдзиаг националистты Цхинвалмæ ма æрбауадзын. Растддæр уæ адæмы æнгомдзинады фæрцы гуырдзиаг боевиктæ сæ ныфс нал бахастой, цæмæй размæ ацæуой.

Ахæм трагикон моменты æмбарыс: дæ бæсты дæ райгуырæн зæхх ничи  бахъахъхъæндзæн. Иумæ æрбангом уæвгæйæ, сымахæн уæ бон ссис фидар фæлæууын. Фæлæууын æмæ тыхæйисджытыл фæуæлахиз уæвын.

Мæ цæст уарзы Республикæ Хуссар Ирыстоны æфсымæрон адæмæн æхсардзинад æмæ быхсындзинад, уæ паддзахадæн дидинæфтыд æмæ сыгъдæг арвы бын царды фæндиæгтæ!»

АРФÆ СЕРГЕЙ АКСЕНОВÆН

Республикæ Хуссар Ирыстоны Президент Бибылты Анатоли раарфæ кодта Хъырымы Республикæйы сæргълæууæг Сергей Аксеновæн йæ гуырæн боны цытæн.

Арфæйы телы дзырдæуы:

Цытджын Сергей Валерийы фырт!

Айс иууыл зæрдиагдæр арфæ дæ гуырæнбоны цытæн.

Дæ энерги, компетентондзинад, куысты фæлтæрддзинад æмæ авторитет ахъаз кæнынц дæуæн æнæфæивгæ æнтыстытимæ дæ бæрнджын бынаты дæ разылæууæг хæстæ скъуыддзаг кæныны.

Ныфс мæ ис дæ активон хайадистæй нæ республикæты ‘хсæн  æмгуыстады æмæ хæларадон ахастытæ фидар кæныны дарддæры рæзтæй.

Дæ гуырæнбоны дын, цытджын Сергей Валерийы фырт,  мæ цæст уарзы фидар æнæниздзинад, фæрныгад æмæ дарддæры æнтыстытæ дæ архайды Республикæ Хъырымы хæрзиуæгæн».

АРФÆ – МАДЫ БОНЫ ЦЫТÆН

Цытджын æмбæстæгтæ! Зынаргъ сылгоймæгтæ, мæдтæ!

Айсут иууыл зæрдиагдæр арфæтæ хорз æмæ зæрдæагайæг бæрæгбон – Мады боны цытæн!

Зæххыл ахæм адæймаг нæй, мадæй æввахсдæр æмæ зынаргъдæр чи у. Чысылæй фæстæмæ мах нæ зæрдæты хæссæм мады иунæг æмæ æвæлхатт фæлгондз, кæцыимæ махæн баст сты иууыл ирддæр æнкъарæнтæ, царды цинхæссæг уысмтæ. Мад у æгæрон уарзты, рæууондзинад æмæ æвæйлайгæ аудындзинады фæлгондз.

Ацы бæрæгбоны мæ уæлдай арфæйы ныхæстæ фæнды зæгъын бирæсывæллонджын æмæ сывæллæтæ-инвалидты чи хъомыл кæны, уыцы мæдтæн. Бузныг дзурын æппæт сылгоймæгтæн, кæцыты хæдзæрттæ систы хи хæдзарау, сывæллæтæ-сидзæртæн æмæ сæ ныййарджыты ‘рдыгæй æнæхъусдард чи баззад, уыцы сывæллæтæн. Мæ сæрæй ныллæг кувын мæдты хъайтардзинады раз, кæцытæ схъомыл кодтой хъайтар лæппутæ æмæ чызджыты, хæцæнгарзимæ РХИ-йы суверенитет æмæ территориалон æнæхъæндзинад хъахъхъæнгæйæ.

Мæ сæрæй уын ныллæг кувын уды рæдаудзинад, быхстдзинад æмæ æвæллайгæ куысты, уæ бæрзонд миссийы тыххæй, кæцы у царды æмæ хæрзиуæджы æнусон гуырæн.

Мæ цæст уын уарзы, зынрагъ мæдтæ, фидар æнæниздзинад, бинонты фæрныгад, артдзæсты хъармдзинад æмæ сылгоймаджы амонд. Уадз æмæ уæ царды фылдæр æфсæнттæ уæд уæ циндзинадæн æмæ уадз, уæ уарзгæ цæстытæ макуы банкъарæт  æнкъарддзинад. Цæрут би-рæазты æмæ æппæт хорздзинæдтæй хайджын ут!

Республикæ Хуссар Ирыстоны

Президент БИБЫЛТЫ Анатоли