Республикæ Хуссар Ирыстоны Президент Бибылты Анатоли раарфæ кодта номдзыд историк Гаглойты Юрийæн йæ райгуырдыл 85 азы сæххæсты цытæн.
Арфæйы телы дзырдæуы:
«Цытджын Юри Сергейы фырт!
Зæрдиагæй дын арфæ кæнын дæ юбилей – дæ гуырæнбоныл 85 азы сæххæсты цытæн.
Ацы нысаниуæгджын бон у куырыхондзинад æмæ алыварсон хъæздыг фæлтæрддзинады иумæйагдзинады гармонион символ. Юбиляры, зындгонд куыд у, афтæмæй рæсугъд кæнынц азтæ нæ, фæлæ йе сгуыхтдзинæдтæ. Ды æппæт дæ цард снывонд кодтай Ирыстоны хъæздыг ивгъуыд замантæ иртасынæн. Ирæтты этникон историйы фæдыл дæ бындурон иртасæнтӕ, кæцытæ бындуриуæг кæнынц уæрæх фактон æрмæджытыл систы историон зонæдты классикæ.
Нысанмæтырнæг æмæ курдиатджын ахуыргонд, ды дæ царды бирæ азтæ снывонд кодтай зонад æмæ æвзонг ахуыргæндтæ схъомыл кæныны хъуыддагæн. Æхсызгон мын у, дæ хъæздыг фæлтæрддзинад æмæ энциклопедион зонындзинæдтæ ды абон дæр кæй лæвар кæныс бирæнымæц студенттæн.
Алыхатт дӕр ӕмӕ алы ран дӕр рӕстдзинады ӕнӕаивгӕ закъӕттыл хӕцгӕйӕ, фидарӕй ӕвдыстай дӕ цӕстӕнгас. Ды дӕхицӕн аккаг кад ӕмӕ авторитет скодтой зонадон ӕмӕ политикон ӕхсӕнады.
Ахуыргæндтæ-историкты ныры фæлтæрæн дæ бæрзонд компетентондзинад, куыстхъомдзинад æмæ бæрндзинад, дæ зонадон куыстытæ сты æцæг профессионализм, нысанмæтырнындзинад æмæ равзаргæ хъуыддагмæ æнувыддзинады ирд цæвиттон.
Дæ æхсæнадон-политикон архайд, кæцы ахъаз кодта РХИ-йы паддзахаддзинад æндидзын кæнын æмæ фидар кæныны хъуыддагӕн, аккаг сты кад кæнынæн.
Ныфс мæ ис, зынгæ ахуыргонды авторитет, энерги, хорз хъуыддагон æмæ сæрмагонд миниуджытæ, Фыдыбæстæйæн макисмалон æгъдауæй пайда æрхæссыны фæнд дарддæр дæр кæй уыдзысты дæ æнтыстыты æмæ дæ царды бындур.
Дæ гуырæн боны дын, цытджын Юри Сергейы фырт, мæ цæст уарзы фидар æнæниздзинад, уды хъæддыхдзинад, зонадон æмæ ахуыргæнæджы куысты æнтыстытæ, сабырад æмæ хорздзинад дæуæн, дæ бинонтæн æмæ дæ хиуæттæн».
Comments are closed, but trackbacks and pingbacks are open.