Франциска Сусано хаст æрцыдаид Гиннессы рекордты чиныгмæ, куыд планетæйы иууыл зæронддæр адæймаг, афтæ, фæлæ йæ бинонтæн сæ бон не ссис организаторты домæнтæ сæххæст кæнын. Филиппинты ацæргæдæр сылгоймаг Франциска Сусано амард 124-аздзыдæй йæ райгуырæн провинци Ныгуылæн Негросы. Сусано кæнæ «Лола Иска», афтæ йæ хуыдтой Филиппинты, цардæй ахицæн къуырисæры изæры. Бонæй уый хъаст кодта, улæфын ын зын кæй у, уымæй. Райгуырд 1897 азы 11-æм сентябры, испайнæгтæ Филиппинтыл æлдариуæг кæныныл нæ куы загътой, уымæй иу азы размæ. Уыдис ын 14 сывæллоны, уыдонæй абон сæрæгас сты астæй æмæ 500 хъæбулы хъæбулы. Уый уыд фæстаг сæрæгас адæймаг, кæцы райгуырд 19-æм æнусы.
Йæ амæлæты аххосаг нырма бæрæг нæу, – фехъусын кодта журналисттæн æхсæнадон информацийы горæтон службæйы кусæг Джейк Карлайн Гонсалес. Медиктæ иртасынц, сылгоймаджы мардбуар коронавирусæй фæрынчын æви нæ, уый. Уымæн инфекцийы симптомтæ нæ уыд.
Гиннессы рекордты чиныджы бæрæггæнæнтæм гæсгæ ныртæккæ официалонæй регистрацигонд рекорды хицау у япойнаг Канэ Танака. Уый ацы азы январы мæйы райдианы банысан кодта йæ райгуырды 118 азы бон. Бирæ цæрыны абсолютон рекорды хицау та у французаг Жанна Кальман. 1997 азы августы куы амард, уæд сылгоймагыл цыд 122 азы æмæ 164 боны.
Comments are closed, but trackbacks and pingbacks are open.