Цхинвалы райдыдтой Ирыстонæй хæстонтæн лæвæрттæ æмбырд кæнын, «От матерей, и жен, мы с вами»-йы акцийы фæлгæтты кæцытæ хайад исынц Украинæйы Уæрæсейы специалон æфсæддон операцийы Донбассы цæрджыты бахъахъхъæныны фæдыл.
Республикæйы алы сылгоймагæн дæр йæ бон у хъуырбæттæн, цъындатæ, æрмкъухтæ сбийын нæ хъахъхъæнджытæн. «Рес»-æн Цхинвалы «Уырыссаг хæдзар»-ы сæргълæууæг Сергей Скворцов куыд радзырдта, афтæмæй ацы акцийы нымайы куыд æфсæддонтæм хъусдард æмæ сын æххуыс кæныны нысан, афтæ.
«Уæрæсейаг æмфыдыбæстæйонтæ ралæууыдысты Хуссар Ирыстоны æмбæстæгтæн лæвæрттæ æрæмбырд кæныны инициативæимæ, кæцытæ хайад исынц Украинæйы специалон æфсæддон операцийы, æмæ сорганизаци кодтой акци «От матерей и жен, мы с вами!». Лæвæрттæ хæссын райдыдтой, æнхъæлмæ кæсæм, акцийы хайад райсын кæй фæнды, уыдонмæ.
Мах ныхас кодтам Хъахъхъæнынады министрады къухдариуæгадимæ æмæ уыдон ныфс бавæрдтой, æппæт дæр кæй сараздзысты, цæмæй ацы лæвæрттæ фæхæццæ уой хуссарирыстойнаг хæстонтæм кæнæ конкре-тон адресатмæ, кæд уый у персоналонæй æрвыст, уæд», – загъта Скворцов.
«Уырыссаг хæдзар»-ы сæргълæууæг банысан кодта, зæгъгæ, æнæмæнгхъæуæг нæу хæрд æмæ хостæ æрбахæссын, уымæн æмæ Уæрæсейæн уыцы фадæттæ ис, цæмæй æппæт æнæмæнгхъæуæгæй сифтонг кæна салдатты.
«Акци у куыд хæдзарæй чысыл фыстæг. Ныртæккæ, хъыгагæн, фыстæджытæ нал фыссынц, æмæ ацы лæвæрттæ нæ æфсæддон службæгæнджытæн сæ зæрдыл дарын кæнынц, хæдзары сыл кæй хъуыды кæнынц, кæй сты сæрыстыр æмæ сæм кæй æнхъæлмæ кæсынц сæргасæй», – загъта ма Скворцов.
Зæрдыл дарын кæнæм, æфсæддон службæнгæджытæн лæвæрттæ æмбырд кæй цæуынц Цхинвалы «Уырыссаг хæдзар»-ы, Плиты Иссæйы (Островскийы) уынджы 17 хæдзары 28 мартæй 31 мартмæ 15:00 сахатæй 18:00 сахатмæ.
Ацы акцийы организатортæ сты Хуссар Ирыстоны уæрæсейаг æмбæстæгты Координацион совет, 4-æм гвардион æфсæддон базæ æмæ Цхинвалы «Уырыссаг хæдзар».
Comments are closed, but trackbacks and pingbacks are open.