Сывæллæтты хореографион ансамбль «Ирон» уæлахиздзауæй æрыздæхт Ӕппæтадæмон олимпиадæ «Красота и доброта спасут мир!»-æй, кæцы уагъд æрцыд 14-18 сентябры горæт Сочийы Лазаревскы районы.
Ансамблы коллективыл Цхинвалы цытджын æгъдауæй æртæ уæливых æмæ бæгæныимæ сæмбæлдысты горæт Цхинвалы администрацийы сæргълæууæг Коцты Алан, горæты культурæйы хайады сæргълæууæг Тасойты Игорь, культурæйы министрады минæвæрттæ æмæ сывæллæтты ныййарджытæ. Се ‘нтыстджын балцы фæдыл сын зæрдиагæй раарфæ кодтой æмæ сын бафæдзæхстой, цæмæй дарддæр дæр сæхиуыл кусой æмæ схизой ноджы уæлдæр бæрзæнд-тæм сæ профессионалон карьерæ-йы. Уæлдай тынг сбуц кодтой ансамблы аивадон къухдариуæг-гæнæг Хуыгаты Дианæйы, кæцы ит-тæг хорз бацæттæ кодта сывæл-лæтты ацы олимпиадæмæ. Уыдон сæххæст кодтой дыууӕ кафт – «Си-мд» ӕмӕ «Хохаг», кæцыйы фæстиуæгæн бацахстой фыццаг бынат.
Ацы мадзал бацӕттӕ кодтой уӕрӕсейаг ӕмӕ дунейон Артийаг комитет ЮНЕСКО-имӕ иумӕ, стӕй ма Ӕппӕтадӕмон сфӕлдыстадон академи ӕмӕ Уӕрӕсейы Федерацийы Культурӕйы министрад. Хайад дзы райстой 50 хореографион къордӕй фылдӕр алы регионтӕй. Олимпиадæйы сæйраг нысан у, цæмæй æрæмбырд кæной курдиатджын сывæллæтты æмæ сын фадат радтой сæ арæхстдзинад равдисынæн. Конкурсон программæйы æддейæ ма сывæллæттæ сæхи аирхæфстой аквапарчы, дельфинарийы, акодтой ма сæ экскурсийы Сочийы диссаджы олимпион объекттæм. Ахæм мадзæлттæ адæмты кæнынц æнгомдæр æмæ йын уый тыххæй ис стыр нысаниуæг. Ам фембæлынц æмæ базонгæ вæййынц сывæллæттæ се ‘мкарæнтимæ, фенынц æндæр коллективты дæсныйад æмæ афтæмæй иумæйагæй рæзы сæ профессионалондзинад.
Ансамбль «Ирон» арæзт æрцыд 2009 азы æмæ у паддзахадон ансамбль «Симд»-ы къабаз. Ныридæгæн ис горæт Цхинвалы мэрийы къухдариуæгады бын. Архайынц дзы сывæллæттæ фондз азы карæй уæлæмæ. Ансамбль хайад райста бирæ æппæтадæмон фести-валты æмæ арæх систы уæлахиздзаутæ æмæ лауреаттæ.
.ДЖИОТЫ Александр
Comments are closed, but trackbacks and pingbacks are open.