ÆМЗÆРДÆДЗИНАДЫ ТЕЛТÆ

Цытджын Анатоли Ильяйы фырт!

Республикæ Хуссар Ирыстоны ныхмæ Гуырдзыстоны агрессийыл дæс азы сæххæсты сæраппонд æрвитын хъынцъымы ныхæстæ дæуæн æмæ Хуссар Ирыстоны æппæт цæрджытæн.

Уыцы хæсты рыст æмæ зиæнттæ ноджы тынгдæр æрбангом кодтой нæ адæмты, кæцытæ ныхкъуырд радтой мæнгард агрессорæн. Уыцы æфсымæрдзинады, хæлардзинады æмæ æмзæрдæдзинады æнкъарæнтæ баззайдзысты æнæфæивгæйæ.

Ацы зæрдылдарæн бонты Хуссар Ирыстонæн мæ цæст уарзы сабыр æмæ амондджын цард, фæрныгад æмæ дидинæфтыд.

Хæдбар Паддзахадты Æмхæларады паддзахадтæ-хайадисджытимæ, Республикæ Абхаз æмæ Республикæ Хуссар

Ирыстонимæ социалон-экономикон æмгуыстады фæдыл УФ-йы Президенты Управленийы хистæр Олег ГОВОРУН

 

* * *

Цытджын Анатоли Ильяйы фырт!

Айс мын мæ иууыл зæрдæбындæр ныхæстæ Республикæ Хуссар Ирыстоны ныхмæ Гуырдзыстоны агрессийы дæс азы сæххæсты боны сæраппонд.

Уæрæсейы хъынцъымгæнгæйæ дих кæнынц уыцы хæсты рыст æмæ маст, мысынц, фидæны фæлтæрты фæрныгадæн æмæ æдасдзинадæн сæ цард чи радтой, уыцы ирон хъахъхъæнджыты нæмттæ.

Ацы зæрдылдарæн бонты мæ цæст уарзы дæуæн æмæ хуссарирыстойнаг æфсымæрон адæмæн сабырад æмæ дидинæфтыд.

Уæрæсейы Федерацийы Президенты æххуысгæнæг

Владислав СУРКОВ

 

* * *

Цытджын Анатоли Ильяйы фырт!

2008 азы 8 августы, Гуырдзыстон та ногæй варварон æгъдауæй ирон адæмы скуынæг кæнынмæ куы бахъавыд, уыцы трагикон цаутæ баззайдзысты Абхазы адæмы зæрдæты. Уыцы бон нымад æрцыд фондзбонон тугкалæн хæстæн йæ райдианыл, кæцыйы рæстæджы фæмард бирæ адæм.

Абхазы адæм хорз хъуыды кæнынц, хæст цы зындзинæдтæ æрхæссы, уый. Ацы мысæн бон мах сымахимæ иумæ мысæм Хуссар Ирыстоны хъæбулты, гуырдзиаг агрессоры къухæй чи фæмард, æппæт уыдоны.

Хъæбатыр æмæ сæрибаруарзаг ирон адæм, хæсты фæлварæнтæ бавзаргæйæ, фæуæлахиз  Рагуырæн бæстæйы сæрибардзинад æмæ хæдбардзинады тохы, равзæрста сæрибар демократон паддзахады арæзтад, ирд æмæ аккаг фидæны фæндаг.

Уæрæсейы Федерацийы къухдариуæгады фидар архайдтыты фæрцы, Абхаз æмæ Хуссар Ирыстон абон цæрынц сабыр цардæй. Уый сси æнæхъæн адæмты не скуынæг кæныны гарант æмæ агрессоры æркодта сабырадмæ.

Мæ цæст уарзы, дæуæн, цытджын Анатолий Ильяйы фырт, æмæ æппæт Хуссар Ирыстоны адæмæн, сабыр арвы бын царды фæндиæгтæ, фæрныгад æмæ дидинæфтыд.

Республикæ Абхазы Президент Рауль ХАДЖИМБА