Ацы бонты хоргуыстгæнæгæн у иууыл ахсджиагдæр рæстæг – æрбалæууыд, афæдзы дæргъы цæуыл фæфыдæбон кодта, уыцы тыллæг æфснайыны афон. Алчи дæр тындзы, цæмæй йæ тыллæг бабæстон кæна афоныл. Зындгонд куыд у, афтæмæй, фаронимæ абаргæйæ, ацы аз дзæвгар фæфылдæр сты æфсирон культурæты фæзуæттæ. Цæвиттон, Знауыры районы фермерон æмæ хицæн хæдзарадтæн æдæппæт бабæстонкæнинаг ис 1591 гектары, къаддæр не сты Ленингоры районы Цъинагар, Орчъосан æмæ æндæр хæдзарадты æфсиронты хуымтæ дæр. Уыдон бафснайынæн республикæйы æдæппæт ис 10 комбайны, уыцы нымæцы ногтæ та сты 6. Фæлæ зæгъын хъæуы, хæлынц канд зæронд комбайнтæ нæ, фæлæ нырма æрæджы быдырон куыстытæм чи рахызт, уыдон дæр.

Паддзахадон унитарон куыстуат «Ирагро-промсервис»-ы директор Мамытаты Вахтангимæ ныхас кæныны рæстæджы хорæфснайыныл куыста 7 техникæйы, иннæ комбайнтæ æрлæууыдысты сæ куыстæй. Уыдон рæстæгыл сцалцæг æмæ сæ куыстæввонг скæныны тыххæй  æрластой хъæуæг ивæн хæйттæ æмæ сæ скодтой куыстæввонг. Кæй зæгъын æй хъæуы, ахæм кадавар техникæ не ‘ххæссы æппæт куыстытæ цыбыр æмгъуыд-тæм ахицæн кæныныл. Ацы ран хоргуыст-гæнджытæ дæр хъуамæ бацæуой кæрæдзийы уавæры, уымæн æмæ, фыццаджыдæр, æф-снайынæн сбæззынц хъæбæрхоры байтыдтытæ æмæ кæрдын дæр фыццаг рады хъæуы уыдон, стæй та фæззыгон мæнæуы хуымтæ. Директор ма катай кæны, механизатортæ кæй нæ фаг кæнынц, уый тыххæй дæр. Уæддæр æй ныфс ис, рæстæгыл æфснайд кæй æрцæудзæн тыллæг.

Хуыбиаты Никъала

 

Comments are closed, but trackbacks and pingbacks are open.