Хуссар Ирыстоны фермерон хæдзарадтæ æрæвнæлдтой нæмыгон культурæтæ æфснайынмæ. Нæмыгон культурæты хуымты иумæйаг фæзуат у 2,500 гектары.
Республикæйы зæххы фадгуытæй хъуамæ райстæуа фæззыгæнды мæнæу, хъæбæрхор, сысджы, нартхор. Уыдонæй фæззыгæнды мæнæу – 350 га æмæ 500 га та – хъæбæрхор. Банысан кæнын хъæуы уый, æмæ нæмыгон культурæтæ æппæты фылдæр тыд кæй æрцыд Ленингоры районы – 1200 га æмæ Знауыры районы та – 1000 га. Абоны онг уал аграритæ бафснайдтой, 300 га хуымзæххыл цы тыллæг æрзад, уый – Ленингоры районы. Куыстытæ цæуынц Цъинагары, Орчъосаны, Абреуы хъæуты.
Нæмыгон культурæтæ æфснайд цæуынц хуссарирыстойнаг паддзахадон унитарон куыстуат «Ирагропромсервис»-ы æххуысæй. Уыимæ иумæ Хъæууон хæдзарадаы министрады банысан кодтой, зæгъгæ, тынг хъуаг сты техникæйæ.
Ныртæккæ быдырты архайынц, къухы цы техникæ ис, уыдон се ‘ппæт дæр, ома, 8 комбайны. «Ирагропромсервис» архайы ууыл, цæмæй спайда кæна, къухы цы фæсауæрцтæ ис, уыдонæй, æмæ фермертæн афойнадыл лæвæрд цæуа техникæ. Уыимæ банысан кæнын хъæуы уый, иу комбайныл цы уæз хъуа-мæ цæуа, уый нормæ кæй у бон 8-10 га. Аграритæ æмткæй лæууынц оптималон агротехникон æмгъуыдтæ нæ фехалын æмæ тыллæгæфснайæн куыстытæ гъæдджынæй бакæныны фæндыл.
Хъæууон хæдзарады министрады пресс-службæ
Comments are closed, but trackbacks and pingbacks are open.