Уагъд æрцыд фыццаг хуссарирыстойнаг СНИЛСтæ радтыны цытджын церемони. Фыццаг сæрмагонд хыгъдтæ лæвæрд æрцыдысты 2022 азы ногазы бонты чи райгуырд, уыцы сывæллæттæн. Сывæллæтты ныййарджытæн СНИЛСтæ радта Президент Бибылты Анатоли.
«Æцæгæй символикон у, 8-æм марты размæ фыццаг сæрмагонд хыгъд лæвæрд æрцæудзæн 14 январы цы чызг райгуырд, уый мадæн. Æппæт дуне рахызт цифровизацимæ æмæ, кæй зæгъын æй хъæуы, мах хъуамæ рæстæгимæ æмдзу кæнæм æмæ хъуамæ кусæм уыцы здæхты, цыран цæуы адæймаджы куысты, фидæны йæ пенсион ифтонгады хыгъд. Æз нымайын, уый кæй у асхджиаг æмæ хъæугæ къахдзæф, æнæмæнгхъæуындзинад æмæ адæймаджы барты реализаци», – загъта паддзахады сæргълæууæг.
Уымæй уæлдай ма, Бибылты Анатоли банысан кодта, ахæм хыгъды фæрцы куыстдæттджыты фæллойадон хæстæ æххæст кæныны контролæн фæтк æвæрд кæй æрцæудзæн.
«Æз афтæ нымайын æмæ уый у ахсджиаг цау. Ис бирæ организацитæ, кæцытæ нæ хъуыды кæ-нынц сæ кусджытыл æмæ Социа-лон фондмæ бафысты фæдыл не ‘ххæст кæнынц сæ хæстæ сæ кусæджы дарддæры пенсион иф-тонгады тыххæй. Растдæр уый ахъаз кæндзæн, цæмæй куыстдæттæг йæ кусджыты фидæныл бæрндзинадæй йæхи ма иуварс кæна», – загъта уый.
Банысан кæнын хъæуы, СНИЛС кæй у æнæмæнгхъæуæг пенсион фæдзæхстады системæйы æмбæстаджы индивидуалон сæрмагонд хыгъды фæдзæхстадон номыр. СНИЛС лæвæрд цæуы Республикæ Хуссар Ирыстоны æмбæстæгты æнæмæнгхъæуæг паддзахадон пенсион ифтонгады системæйы регистрацийы процессы рæстæджы æмæ фæсарæйнаг æмбæстæгтæн, кæцытæ официалонæй кусынц Республикæ Хуссар Ирыстоны территорийыл, исынц куыстмызд æмæ Республикæ Хуссар Ирыстоны Социалон фондмæ æрвитынц фæдзæхстадон бафыстытæ.
СНИЛС у æмбæстаджы сæйраг документтæй сæ иу, кæцымæ гæсгæ бæрæг цæуы, кæм æмæ цас рæстæджы куыста æмбæстаг официалон æгъдауæй; цахæм бафыстытæ уыд куыстдæттагæн; ныр цыран кусы фæдзæхст адæймаг; алы фæдзæхст адæймагæн йæхи тыххæй информаци райсын; пенсион ифтонгады нысанæн фæдзæхст адæймæгты тыххæй бæрæггæнæнтæй спайда кæнын; фæдзæхст адæймаджы фæллойадон архайды хыгъд сæххæст кæнын; Республикæ Хуссар Ирыстоны пенсион закъондæттынад реализаци æмæ хуыздæр кæныны тыххæй информацион базæ саразын.
Афтæ ма СНИЛСмæ гæсгæ нысан цæуынц пенситæ, социалон бафыстытæ, хатыр æмæ æндæр паддзахадон лæггæдтæ.
Comments are closed, but trackbacks and pingbacks are open.