РХИ-йы Хицауады Сæрдар Джуссойты Константин Аразæджы боны цытæн схорзæхджын кодта Арæзтад, архитектурæ æмæ цæрæнуатон-коммуналон хæдзарады иууыл хуыздæр кусджыты бирæ азты дæргъы сæ цæсгомджын куысты тыххæй.
Джуссойты Константин зæрдæбын арфæтæ ракодта министрады æппæт кусджытæн сæ бæрæгбоны цытæн æмæ сын йæ цæст бауарзта стыр æнтыстытæ, нæ адæмы æмæ нæ паддзахады хæрзиуæгæн.
«Аразæджы дæсныйад ахсджиаг, æнæмæнгхъæуæг у æмæ дзы пайда кæнынц æнусты дæргъы. Уыдоны куыстыл баст у нæ рес-публикæйы аив æмæ рæсугъддзинад, не’мбæстæгтæн æмбæлон цардуагон уавæртæ саразын. Уырны мæ, дарддæр дæр уæ архайд кæй кæндзыстут нæ адæм æмæ нæ республикæйы размæцыды тыххæй», – загъта Хицауады Сæрдар.
РХИ-йы Кады грамотæтæ Хицауады Сæрдарæй райстой гом акционерон æхсæнад «Престиж»-ы æххæстгæнæг директор Беппиты Инал, Архитектурæ æмæ гортарæзтады управленийы консультант Коцты Сергей, йæ хæдивæг Пухаты Иннæ æмæ паддзахадон унитарон куыстуат «Капиталон арæзтады управлени»-йы техникон хайады сæйраг специалист Пухаты Мадинæ.
