Гаглойты Алан 4-æм æфсæддон базæйы дæлхæйттæй сæ иуæн радта йæ хисæрмагонд автомашинæ.
Хуссар Ирыстоны Президент Гаглойты Алан ацыдис Мелитополмæ, ирон хæстонтæ кæм сты, уыцы бынатмæ, йемæ аласта гуманитарон æххуыс 4-æм æфсæддон базæйы æфсæддон службæгæнджытæн, батальонтæ «Алания» æмæ «Шторм»-ы бархионтæн. Уый тыххæй фехъусын кодта президенты пресс-секретарь Босыкты Наталья.
Уый куыд банысан кодта, афтæмæй сæрмагонд æфсæддон операцийы хайадисджытæн гуманитарон æххуысы сты техникон фæрæзтæ – квадрокоптертæ, тепловизортæ, рацитæ, гене-ратортæ, афтæ ма цардуагон æнæмæнгхъæуæг предметтæ – хæлцадон продукттæ, дон, æфсæддон дарæс, цырыхъхъытæ, снуд-маскæтæ, фынæй-гæнæн голджытæ, быдырон уавæрты хæринаг æрцæттæ кæнынæн æмæ схъарм кæнынæн пецтæ æмæ æндæр ахæмтæ.
«Уый у гуманитарон æххуысы дыккаг масштабон парти президентæй. Уымæй дарддæр ма бæстæйы сæргълæууæг систематикон æгъдауæй нысанмæздæхт æххуыс кæны хæстонтæн. Паддзахады сæргълæууæг хæстонтимæ æдзух дары бастдзинад æмæ зоны фронты раззаг хаххыл цахæм зындзинæдтыл æмбæлынц æмæ сæ ныртæккæ фылдæр цы хъæуы, уыдæттæ. Уый хынцгæйæ, æмбырд æрцыд гуманитарон æххуыс дæр. Президент йæхæдæг аласта гуманитарон æххуыс, цæмæй аныхас кæна бархионтæ æмæ æфсæддон службæгæнджытимæ, вазыгджын хæстон уавæрты сын моралон æгъдауæй баххуыс кæна. Уый ахсджиаг у хæстонтæн», – загъта Босыкты чызг.
Хуссар Ирыстоны Президент гуманитарон уæзтæ аласта сæрмагонд æфсæддон операцийы зонæмæ
Паддзахады сæргълæууæг ныхас кодта æфсæддон службæгæнджытæ æмæ бархионтимæ, раарфæ сын кодта æрбалæугæ бæрæгбон – Уæлахизы боны цытæн. Уый банысан кодта сæ æхсардзинад æмæ хъайтардзинад сæрмагонд æфсæддон операцийы зонæйы службæйы рæстæджы.
«Бынаты ма уыдысты не ‘мзæххонтæ, «Крым»-ы къордæй æфсæддон службæгæнджытæ. Президент ныфс бавæрдта хæстонтæн, гæнæнуæвгæйæ сын æппæтæй дæр кæй æххуыс кæндзæн», – банысан кодта уый.
Уымæй дарддæр ма Гаглойты Алан 4-æм æфсæддон базæйы дæлхæйттæй сæ иуæн радта йæ хисæрмагонд автомашинæ.
«Уымæй размæ президент базыдта, сæрмагонд хæстон операцийы хайадисæг хæстонтæн кæй нæ фаг кæнынц «Пикап» автомобилтæ, кæцытæ кусынц дизелон æртагæй æмæ сæ хъæуынц хæстон комплекттæ æмæ æндæр æфсæддон уæзтæ комкоммæ акъоппытæм ласынæн. Паддзахады сæргълæууæг райста уынаффæ, цæмæй æфсæддон службæгæнджытæн радта йæхи автотранспорт. Дæлхайы командæкæнынад бузныг загъта Гаглойты Аланæн, оперативонæй сын кæй баххуыс кодта, уый тыххæй», – загъта уый.
Хæстонтæ зæрдиагæй сæмбæлдысты президентыл, бузныг ын загътой, регулярон æгъдауæй сын кæй æххуыс кæны, уый тыххæй, афтæ ма загътой ахæм ныфс, дарддæр эффективонæй кæй æххæст кæндзысты сæ хæстон хæстæ.
