27-æм марты 90 азы сæххæст уыдаид цæгатирыстойнаг прозаик, тæлмацгæнæг, журналист æмæ Советон Цæдисы фысджыты уæнг Хæблиаты Сафары райгуырдыл.

Сафар райгуырдис 1933 азы Цæгат Ирыстоны Зилгæйы хъæуы. Скъола каст фæуыны фæстæ, бацыдис Цæгат Ирыстоны паддзахадон педагогон институтмæ историон факультетмæ æмæ йæ каст фæцис æнтыстджынæй. Уый фæстæ иурæстæг акуыста радиойы уацхæссæг, редактор æмæ тæлмацгæнæгæй. Фæстæдæр куыста газет «Рæстдзинад»-ы редакцийы литературон хайады, нымæрдар æмæ тæлмацгæнæгæй. 1989 азы та йæ снысан кодтой Цæгат Ирыстоны Фысджыты цæдисы правленийы сæрдары хæдивæгæй. Хæблиаты Сафар ирон литературæйы къæбиц фæхъæздыгдæр кодта йæ радзырдтæ æмæ уацауты чингуытæй. Уымæн рацыдис ахæм чингуытæ: «Æнамæ мын чи бадзурдзæн», «Нырмæ кæм уыдтæ?», «Дзæнæты маргъ», «Хъаймæты æфсымæр» æмæ æндæртæ. Курдиатджын фыссæг æмæ тæлмацгæнæг ирон æвзагмæ раивта Юри Бондаревы роман «Горячий снег»,  афтæ ма Думбадзе Нодар, Дзантиаты Антатоли æмæ æндæр фысджыты уацмыстæ.

Хæблиаты Сафар 1983 азæй уыдис Цæгат Ирыстоны Советон социалистон автономон республикæйы культурæйы сгуыхт кусæг. Йæ цардæй ахицæн 2003 азы.

Нæ уацх.

Ацы æрмæджытæ дæр бакæс:

Уды фарн «МÆН НÆ БАЙСДЗÆН СЫМАХÆЙ МÆЛÆТ…» КУРДИАТДЖЫН ФЫССÆГ, ХÆЛАРЗÆРДÆ АДÆЙМАГ Ирыстоны хъысмæт – йæ хъысмæт Цæгат полюсы легендарон басæттæг

Comments are closed, but trackbacks and pingbacks are open.