Æбæрæгæй сæфт адæймæгты бинонты сывæллæттæ улæфынц Дзауы районы Згъуыбиры хъæуы пансионат «ALANDON»-ы, – хъусын кæны Сырх Дзуары Дунеон комитеты пресс-службæ.
10-15 аздзыд 13 сывæллонæн 24-æм июлæй 29-æм июлмæ сорганизаци кодтой улæфт.
«Лагеры программæйы ис спортивон-хиирхæфсæн æмæ ахуырадон мадзæлттæ. Проект реализаци цæуы Сырх Дзуары Дунеон комитет æмæ Хуссар Ирыстоны президенты цур адæймаджы барты фæдыл æххæстбарджыны аппараты æххуысы фæрцы хæххон-лыжæйон спорт æмæ сноуборды Федерациимæ æмгуыст кæнгæйæ», – загътой пресс-службæйы.
Ам ма куыд банысан кодтой, афтæмæй сæ архайдтытæ координаци кæнынц хицауад æмæ 1990-æм азты æмæ 2008 азты хæстон конфликты фæстиуæгæн æбæрæгæй сæфт адæймæгты фарстаты фæдыл Координацион механизмы хайадисджытимæ. Сырх Дзуары комитетæн ис нейтралон æхсæнылæджы нысаниуæг æмæ æххæст кæны комплексон куыст, кæцы здæхт у æбæрæгæй сæфт адæймæгты хъысмæт сбæрæг æмæ сын сæ бинонтæн баххуыс кæнынмæ.
