Паддзахадон телерадиокомпани «ИР»-ы уагъдцæуæг проект «Кафт» -ы уæлахиздзаутæ хор-зæхджын æрцыдысты æхцайы премитæй. Конкурс райдыдта 2019 азы октябры мæйы. Проекты сæйраг нысан уыд ирон национ кæфтытæ, культурæ пропагандæ кæнын. Конкурсы хайад райстой кафынмæ чи арæхсы, ахæм курдиатджын адæймæгтæ. Æртæ лæппуйæ – Джиоты Вадим, Зассеты Вадим æмæ Гæззаты Арсен ахызтысты финалмæ. Телепроекты фыццаг бынат бацахста Джиоты Вадим. Президент Бибылты Анатолийы бахæсмæ гæсгæ, уæлахиздзауы 100 мин сомæй схорзæхджын кодта паддзахадон телерадиокомпани «Ир»-ы директор Челехсаты Георги. Дыккаг бынат бацахсæг Зассеты Вадимы та 50 мин сомæй схорзæхджын кодта дзулфыцæн комбинаты директор Цхуырбаты Вадим. Уый куыд банысан кодта уымæ гæсгæ проект уыд цымыдисон æмæ бузныджы ныхæстæ загъта йæ организатортæн. Æртыккаг бынат та лæвæрд æрцыд Гæззаты Арсенæн. Уый та капиталон арæзтады управленийы номæй 30 мин сомæй схорзæх-джын кодта паддзахадон телерадиокомпани «Ир»-ы сæйраг редактор Козаты Дзерассæ. Сæ рады, конкурсы уæлахиздзаутæ дæр бузныджы ныхæстæ загътой, сæ архайдæн сын ахæм стыр аргъ кæй скодтой, уый тыххæй æмæ банысан кодтой дардддæр сæхиуыл кæй кусдзысты, цæмæй аккагæй æвдисой национ культурæ.

Нæ уацх.

Comments are closed, but trackbacks and pingbacks are open.