Республикæ Хуссар Ирыстоны Президент Тыбылты Леонид æрæджы йæхимæ райста Уæрæсейы Федерацийы Æдасдзинады советы нымæрдары хæдивæг Рашид Нургалиевы, кæцы нæ республикæмæ æрцыд кусæгон балцы.

Фембæлды рæстæджы дзырд цыд æдасдзинадмæ хауæг фарстатыл, афтæ Уæрæсейы Федерациимæ дыууæфарсон æмгуыстадыл.

Уый фæстæ паддзахады сæргълæууæг ауагъта фембæлд республикæмæ æрцæуæг уæрæсейаг æхсæнведомствæйон кусæгон къордимæ Рашид Нургалиевы сæргълæудæй. Уæрæсейаг специалистты егъау къорд нæ республикæмæ æрцыд дыууæ боны æмгъуыдмæ куысты фæлтæрддзинадимæ зонгæ кæнынæн.

Тыбылты Леонид æгасцу загъта уæрæсейаг коллегæтæн æмæ банысан кодта, кæй нæ бæттынц цæдисон æмæ интеграцион характеры бастдзинæдтæ. Ахæм скондæй, зæгъгæ, мах фембæлдыстæм æмæ куыстам ацы аз июны мæйы.

«Бирæ фарстытæ ис ахæмтæ, кæцытыл æруынаффæ кæнын хъæуы иумæ. Уымæй дæр ацы вазыгджын рæстæджы мах хъуамæ уæм цырддзаст æмæ къæрцхъус, бирæ паддзахадон фарстаты фæдыл. Ныфс мæ ис, æмæ уæрæсейаг æхсæнведомствæйон кусæгон къорды минæвæрттимæ нæ куыст уыдзæн ахадæн æмæ пайда.

Хуссарирыстойнаг фарс цæттæ у кусынмæ. Республикæйы къухдариуæгад хъахъ-хъæны позитивон зæрдæйыуаг куыстмæ. Сæйраджыдæр, уыцы зæрдæйыуаг уый мидæг ис æмæ республикæмæ цы егъау финансон æмæ материалон æххуыс цæуы, уымæй максималонæй спайдачындæуа. Уыцы принциптæ æххæст кæны хуссарирыстойнаг фарс», — дзырдта Тыбылты Леонид.

Дарддæр коллегæтæн йæ цæст бауарзта, цæмæй æмбæлон здæхтыты фæдыл бакусой иумæйаг фæндæттыл. Кусæм, зæгъгæ, ууыл, цæмæй паддзахадон структурæты куыст æххæстæй æрæввахс кæнæм Уæрæсейы Федерацийы уæвæг принциптæм.

Рашид Нургалиев йæ рады банысан кодта, фембæлд уагъд кæй цæуы 2015-2016 азты Уæрæсе æмæ Хуссар Ирыстоны Æдасдзинады советты аппаратты ‘хсæн æмгуыстады фæдыл бафысгæ планы фæлгæтты. Уыцы планы фæлгæтты, зæгъгæ, уагъд цæуы ацы рабадт дæр.

«Хуссар Ирыстонмæ нæ æрцыд æмæ куыст дæр баст у сæйраг здæхæнтæ сбæлвырд кæнын, æхсæнведомствæйон дыууæфарсон кусæгон консультацитæ ауадзын, фыццаджыдæр, нæ бæстæты барадхъахъхъæнæг органты фæлтæрддзинад адæттыны фæдыл. Сæйраджыдæр, иумæйаг фыдракæнддзинады, организацион фыдракæнддзинады ныхмæ тох æмæ коррупцийы ныхмæ архайыны фадыджы фарстыты фæдыл», — дзырдта уæрæсейаг цытджын уазæг.

Рашид Нургалиев банысан кодта, Хуссар Ирыстонмæ цы стыр кусæгон къорд æрцыд, уыдон сты Генералон прокуратурæ, Мидхъуыддæгты министрад, Фæдагуырды комитет æмæ Федералон æдасдзинады комитетæй специалисттæ. Уыдон дыууæ боны дæргъы планон мадзæлтты фæлгæтты кусдзысты иумæ хуссарирыстойнаг коллегæтимæ. Рашид Нургалиев банысан кодта, дыууæ боны цыбыр æмгъуыд у, фæлæ хынцын хъæуы уый, æмæ ма ахæм æмархайд организаци кæй цыд уый размæ дæр.

«Уымæ гæсгæ æз афтæ нымайын æмæ нæ дæлхæйтты ‘хсæн цы бæстонкæнинаг фарстытæ ис, уыдон фæахъаз уыдзысты бæрæг здæхтыты эффективон куыстæн. Нæ сæйраг нысан у, фыццаджыдæр, æвæстиатæй нысан кæнын æмæ контакттæ барæвдз кæнын. Уымæн æмæ уый фæпайда уыдзæн дыууæ фарсæн дæр», — дзырдта делегацийы сæргълæууæг.

Уый ма куыд банысан кодта, уымæ гæсгæ сфидар хъæуы конструктивон пайдаджын контакт æмæ базонын хъæуы сæвзæргæ фарстытæ æмæ проблемæтæ, цæмæй сæ иумæ скъуыддзаг кæной. Дыууæ фарсы коллегæтæ кусæгон фарстытыл куы æрдзурой, уæд уый фæстæ уагъд æрцæудзæн рауæрæхгонд æмбырд æмæ æркæсдзысты нæ коллегæты архайды фæстиуджытæм.

Нæ уацх.

Comments are closed, but trackbacks and pingbacks are open.