Хетæгкаты Къостайы номыл Хуссар Ирыстоны Паддзахадон драмон театры бæстыхай аразы арæзтадон компани «Эверест» 2015-2017 азтæн Республикæ Хуссар Ирыстоны социалон-экономикæйы рæзтæн ахъазгæнæг Инвестицион программæйы фæлгæтты.

РХИ-йы Арæзтад, архитектурæ æмæ цæрæнуатон-коммуналон хæдзарады министры хæдивæг Гæбæраты Вадим куыд фехъусын кодта, уымæ гæсгæ театры бæстыхайы арæзтадон-цалцæггæнæн куыстытæ цæуынц планмæ гæсгæ.

«Арæзтады процессыл контроль цæуы. Абоны бонмæ æххæст цæуынц бæстыхайы агъуындæн куыстытæ. Афтæ ма арæзт цæуынц мидæггагон инженерон хызæгтæ дæр. Уыцы иурæстæджы æппæт уæладзгуыты дæр æххæст цæуынц мидæггагон куыстытæ, афтæ ма æфсæйнаг конструкциты монтажон æмæ сценæйы техникон ифтонгады куыстытæ. Техникæйы иу хай ныридæгæн æрбаластой объектмæ, иннæ хай та ласт æрцæудзæн æввахс рæстæджы.

Уæззау техникæйæ куыстыты архайынц дыууæ краны, дыууæ бетонзмæнтæны, æртæ стыр уæзласæн машинæйы», – загъта Гæбæраты Вадим.

РХИ-йы Арæзтад, архитектурæ æмæ цæрæнуатон-коммуналон хæдзарады министры хæдивæджы ныхæстæм гæсгæ ног бæстыхайы æддаг хуыз уыдзæн зæронд бæстыхайы хуызæн, æмæ вестибюлы къултыл нывгонд æрцæудзысты Нарты эпосæй ист сценæтæ. Объекты финанскæнынады проблемæтæ нæй æмæ эксплуатацимæ лæвæрд æрцæудзæн азы кæронмæ. Æдæппæтæй Паддзахадон драмон театры арæзтады кусынц 150 адæймаджы.

«2016 азы Паддзахадон драмон театр дыууæ зал æмæ сценæмæкæсджыты 500 бынатимæ йæ дуæрттæ бакæндзæн республикæйы цæрджытæн», – банысан кодта Арæзтады министры хæдивæг.

Республикæ Хуссар Ирыстон

официалон портал

Ацы æрмæджытæ дæр бакæс:

Боны фæткы – 2018-2019 азтæн Инвестпрограммæйы реализаци кæныны фарстытæ Боны фæткы – 2017 азы инвестпрогаммæ сæххæст кæныны фарстытæ БИБЫЛТЫ Анатоли: «Арæзтадон куыстытæ хъуамæ фæуой æмгъуыдмæ æмæ гъæдджынæй» Лев Кузнецов: «Горæты арæзтцæуæг объекттæй иуæй-иутæ дзуапп нæ дæттынц æмбæлон нормæтæн» Президент бабæрæг кодта объектты арæзтадон куыстытæ

Comments are closed, but trackbacks and pingbacks are open.