Цхинвалы Президенты Администрацийы бæстыхайы байгом фоторавдыст, кæцы арæзт æрцыд Уæрæсейы Федерацийы зынгæ паддзахадон архайæг Евгени Примаковы райгуырдыл 90 азы сæххæсты цытæн.
Мадзалы, кæцы арæзт æрцыд Республикæ Хуссар Ирыстоны Уæрæсейы Федерацийы минæварады фæрцы, хайад райстой Президент Бибылты Анатоли, Фæсарæйнаг хъуыддæгты министр Медойты Дмитри, РХИ-йы УФ-йы Уæлвæткон æмæ Æххæстбарджын минæвар Марат Кулахметов, Президенты администраци æмæ Фæсарæйнаг хъуыддæгты министрады кусджытæ.
Мадзал гом кæнгæйæ, Марат Кулахметов банысан кодта Евгений Примаковы стыр хайбавæрд УФ-йы паддзахадон рæзтмæ, радзырдта зынгæ политикы цардвæндаг æмæ ахсджиаг политикон къахдзæфты тыххæй, кæцытæ ахъаз кæнынц дунеон аренæйы Уæрæсейы позицитæ сфидар кæнынæн.
«Евгени Максимы фыртæн уыд ахæм миниуджытæ, кæцытæ йын фадат лæвæрдтой лидер уæвынæн. Йæ дунеæмбарынад æмæ зонынады арфдзинад ахъаз кодтой глобалон проблемæтæ скъуыддзаг кæнынæн. Уый уыд экономикон æмæ хъалонты реформæйы инициатор, райхæлдта Уæрæсейы политикæ æмæ йæ сарæзта бирæхаттон. Академик Примаковæн, йæ арæхстдзинады фæрцы йæ бон ссис Уæрæсейы ног фæндагыл сæвæрын, сарæзта ахæм уавæртæ, кæцыты фæдыл мах цæуæм», – загъта минæвар.
Евгени Примаковы масштабон гоймаджы тыххæй радзырдта Хуссар Ирыстоны Фæсарæйнаг хъуыддæгты министр Медойты Дмитри.
«Евгени Максимы фырты номимæ баст сты бирæ цымыдисон æмæ ахсджиаг политикон цаутæ Советон цæдисы æмæ Уæрæсейы Федерацийы историйы. Æмæ уымæ гæсгæ мах æрæмбырд стæм абон, цæмæй бакæнæм нывты галерея зынгæ паддзахадон архайæджы цытæн, ахуыргонд-скæсæнзонæгæн», – загъта уый.
Уый фæстæ æрæмбырдуæвджытæ базонгæ сты фоторавдысты экспозицитимæ.
Comments are closed, but trackbacks and pingbacks are open.