Социалистон парти «Дзыллæйы иудзинад»-ы  æвзæрстыты агъоммæйы программæ

Хорзæй нæм цы ис, уый бахъахъхъæндзыстæм, хуыздæр гæнæн цы ис, уый та сараздзыстæм!

РЕСПУБЛИКÆ ХУССАР ИРЫСТОНЫ ЦЫТДЖЫН ÆМБÆСТÆГТÆ!

Социалистон парти «Дзыллæйы иудзинад» раразмæ кодта кандидатты, Республикæ Хуссар Ирыстоны Парламенты депутатты æвзæрстытæм æмæ сиды сымахмæ, не ‘мбæстæгтæм, цæмæй нæ фарсмæ балæууат.

Мах сымахимæ иумæ тырнæм нæ бæстæйы фæрныгады тыххæй фæллой æмæ национ интерестыл тох кæнынмæ, уæлдай размæдзыддæр æй саразынмæ.

Æвзæрстытæм мах цæуæм ахæм программæимæ:

1.Уæрæсейы Федераци у нæ сæйраг æмцæдисон æмæ стратегион партнер. Мах фæнд кæнæм уыйразмæ райсгæ æддагполитикон курс адарддæр кæнын æмæ Уæрæсейы Федерациимæ æфсымæрон æмæ партнерон ахастытæ аразын.

2.Паддзахады сæйрагдæр критеритæй иу у адæймаджы бартæ æмæ сæрибардзинæдтæ хъахъхъæнын. Мах нымайæм афтæ, æмæ сæрибар адæймаг у ахæм, кæцыйы фидарæй ныфс ис йæ æдасдзинад æмæ фидæнæй. Кæй зæгъын æй хъæуы, уый у закъæттæ æххæст кæнын – «Закъон алкæмæндæр у иу»-ы прниципмæ гæсгæ.

Цæрджыты куыстæй сифтонг кæнын æмæ куыстмызды æмбæлон аккаг æмвæзад. Цæрджытæн гъæдджын медицинон лæггæдтæ кæныны тыххæй хъæуы бæрзондквалификациджын специалисттæ æрбахонын, абоны рæстæгæн дзуапп чи дæттынц, ахæм бæрзондтехнологон куысты уавæртæ сын саразгæйæ.

Алкæцы æмбæстагæн дæр – цæрæнуат. Льготон ипотекон кредит «Доступное жилье»-йы программæмæ гæсгæ.

РХИ-йы министрты кабинетæн Хуссар Ирыстоны территорийыл цæрыны ценз бакæнын, уыимæ æнæмæнгхъæуæг у, цæмæй сæ бинонтæ дæр цæрой Республикæ Хуссар Ирыстоны территорийыл.

Цы паддзахады закъондзинад æмæ барвæтк хъахъхъæд нæ цæуынц, уымæн йæ бон нæу æххæст паддзахад уæвын. Йæ бон нæу размæ цæуын æмæ рæзын. Алы æмбæстаг дæр æххæстбæрцæй хъуамæ йæхимæ æнкъара бæрндзинад йæ бакæнгæ мийы æмæ хъуамæ зона æфхæрд кæй баййафдзæн, уый.

Уый фæдыл мах стæм Республикæ Хуссар Ирыстоны Конституцийы фыст хицауиуæгады къабазы закъондæттынадон, æххæстгæнæг æмæ тæрхондонон системæйы хæдбардзинады æвварс.

Эффективон экономикæ – сæудæджерад, хъæууон хæдзарад æмæ амалиуæгад.

Хуссар Ирыстон хъуамæ сæндидзын кæна йæ позицитæ традицион базæртты æмæ сæудæджерадон объектты архайды. Уый тыххæй æнæмæнгхъæуæг у Республикæ Хуссар Ирыстоны территорийыл сæудæджерадон объектты фарсхæцынады æмæ рæзты тыххæй паддзахадон программæйыл бакусын.

Эффективон хъæууон хæдзарад у кæцыфæнды паддзахады экономикæйы ахсджиагдæр фадгуытæй иу. Абон нæ республикæйæн ис егъау потенциал мидæггагон базар хъæууонхæдзарадон продукцийы æппæт хуызтæй сифтонг кæнынæн. Уый тыххæй хъæуы ацы фадыджы рæзты фæдыл эффективон паддзахадон политикæ, республикæмæ цæрджыты раздахыны фæдыл специалон программæтæ бакусын.

Мах фæндон хæссæм бангы кредиты фæдыл процент фæкъаддæр кæнын бизнесы организацийы фæлгæтты.

Мах нæ бæстæ уарзæм, æууæндæм нæ адæмы фадæттыл, цахæмфæнды зындзинæдты сæрты дæр нæ бон кæй у ахизын,  нæ Райгуырæн бæстæ тыхджын æмæ æнтыстджын саразын нæ бон кæй суыдзæн, ууыл.

Уый нысан кæны, мах кæй фæуæлахиз уыдзыстæм.