Галаты Барисы номыл зард æмæ кафты паддзахадон ансамбль «Симд» хайад райста VIII националон культурæйы фестиваль «Синегорье»-йы. Уый байгом ис 30-æм октябры Челябинскы. Фестивалы фæлгæтты уагъдцæуæг концерт-мæ ма уыдысты æндæр областты æмæ горæтты дæр – Магнитагорск, Миассе, Каслях, Сатле, Кыш-тым æмæ Южноуралскы».

Ацы фестиваль уагъд фæцæуы дыууæ аз иу хатт æмæ дзы æвдыст æрцæуынц æндæр æмæ æндæр адæмты культурæтæ. Нæ паддзахадон ансамбль «Симд» дæр фестивальмæ хуынд æрцыд иу афæдз раздæр. Уыдон дзы Советон цæдисы фехæлдæй фæстæмæ ацы азы онг хайад никуыуал райстой. Фестивалмæ ацыдысты хъæздыг программæимæ.

Сæ балцы тыххæй нын зард æмæ кафты паддзахадон ансамбль «Симд»-ы директор Гаглойты Ростик загъта, зæгъгæ, мах цалдæр горæты радтам концерттæ, сценæмæкæсджытæ-иу нæ архайдæй баззадысты райгондæй, фестивалы организатортæ дæр нæ райстой зæрдиагæй.

Ацы фестивалы фæлгæтты хицæн горæтты радтам концерттæ, хайад райстам Челябинскы фестивалы гала-концерты дæр.

Уый фæстæ та хуынд æрцыдыстæм Екатеринбургмæ. Уым та уагъд цыдысты Ирон культурæйы бонтæ æмæ та уым дæр равдыстам нæ концерт», – загъта уый.

Нæ паддзахадон ансамбль «Симд»-æн фестивалмæ ацæуынæн баххуыс кодтой нæ республикæйы разамонджытæ Президент Бибылты Анатолийы сæргълæудæй.

VIII националон культурæйы дунеон фестиваль «Синегорье» æхгæд æрцыд 3-æм ноябры.

Туаты Ларисæ

Comments are closed, but trackbacks and pingbacks are open.