Горæтæн цæгатварс цы экопарк ис, уым хуыцаубоны, 19-æм ноябры, ныссадздзысты 500 сыбыраг кедыры тала. Уый тыххæй æрсидт волонтертæм, цæмæй сын, баххуыс кæной, – хъусын кæны Æхсæнадон экологон организаци «Зеленая Алания»-йы разамонæг Габайты Зæлинæ.
Талатæ самал кæнынæн сын баххуыс кодтой УФ-йы «Отечественные кедры»йы æхсæнад.
Габайты Зæлинæ куыд зæгъы, афтæмæй кедры талатæ байуардзысты паддзахадон организацитæ æмæ уагдæттыл. Талатæн рахицæн кодтой, æнцондæр зилæн сæм кæм уа, ахæм сæрмагонд бынат.
Талатæ бирæ кæй сты, уый тыххæй сын сæ иу хай байуардзысты дæрддзæф хъæууон цæрджытыл дæр, цæмæй сæ уыдон дæр ныссадзой æмбæлон бынæтты.
ТЪЕХТЫ Аллæ
