Хуссарирыстойнаг спортсменкæ Ксения Дьяченко ссис самбойæ æвзæнгты ‘хсæн Цæгат Кавказы Федералон зылды чемпионаты уæлахиздзау, кæцы уагъд цыд Налцыччы. 17-аздзыд самбисткæ фыццаг бынат бацахста 56 кг уæзы категорийы 2000-2001 азты гуырд спорт-сменкæты ‘хсæн. Финалы уый фæ-уæлахиз Дагъыстаны минæвар Мадина Нуратдиновыл.
Дыууæ боны фæстæдæр та Ксения майдантыл ерыс кодта 2002-2003 азты гуырд спортсменкæты ‘хсæн. Ам та хуссарирыстойнаг дзюдоисткæ ссис бронзæ майданы хицау. Йæ тренер Тъуриты Тенгиз куыд банысан кодта, афтæмæй æнхъæлмæ каст йæ хъомылгæнинаг дыууæ сыгъзæрин майданы кæй рамбулдзæн, уымæ.
«Ксения йæхицæй хистæр спортсменкæты ‘хсæн кæй фæуæлахиз, уымæ гæсгæ æнхъæл уыдтæн æмæ йæхи кары спортсменкæты ‘хсæн дæр кæй рамбулдзæн. Фæлæ йын уыцы хъуыддаг сæххæст кæнын кæй нæ бантыст, уый аххосæгтæ сты, фыццаджыдæр кæй бафæллад, стæй ма чысыл кæй рарынчын, уый дæр», – банысан кодта Тъуриты Тенгиз.
***
Хуссарирыстойнаг богалтæ хорз бæрæггæнæнтæ равдыстой æв-зæнгты ‘хсæн самбойæ РЦИ-Аланийы чемпионаты. Нæ республикæйы комплексон спортивон скъолайы хъомылгæнинæгтæй сыгъзæрин майдантæ рамбылдтой Къодоты Барсæг (42 кг), Хъуылымбегты Феликс (50 кг), Уалыты Герман (55 кг) æмæ Кокойты Таймураз (+60 кг). Æртыккаг та ссис Быценты Юри (50 кг). Бацæттæ сæ кодта тренер Хъотайты Димитр.
ХУРИТЫ Батрадз
Comments are closed, but trackbacks and pingbacks are open.