Уæрæсейы Федерацийы Республикæ Хуссар Ирыстоны минæварады пресс-службæ куыд фехъусын кодта, афтæмæй 2018 азы 29 январы Мæскуыйы паддзахадон юридикон академийы бæстыхайы фембæлдысты Тыбылты Алыксандры номыл Хуссар Ирыстоны паддзахадон университеты ректор Тедеты Вадим æмæ Мæскуыйы паддзахадон юридикон университеты ректор Виктор Блажеев.

Ныхасы рæстæджы уынаффæ кодтой дыууæ ахуыргæнæн уагдоны æмгуыстады тыххæй къорд фарстатыл æмæ кæрæдзийæн пайдайы бастдзинæдтæ рауæрæх кæныныл.

Фембæлды фæлгæтты къухтæ фыст æрцыд Тыбылты Алыксандры номыл Хуссар Ирыстоны паддзахадон университет æмæ О. Е. Кутафины номыл Мæскуыйы паддзахадон юридикон университеты ‘хсæн академион æмæ зонадон æмгуыстады тыххæй сразыдзинадыл. Хуссар Ирыстоны æрдыгæй сразыдзинадыл йæ къух æрфыста Хуссар Ирыстоны паддзахадон университеты ректор Тедеты Вадим, Мæскуыйы паддзахадон юридикон университеты æрдыгæй та  ректор Виктор Блажеев.

Сразыдзинады нысан æрцыдысты нырыккон зонадон иртасынæдты, ахуырадон проектты, ахуырадон программæты организаци, нырыккон зонадон конференцитæ, семинартæ æмæ æндæр зонадон-методикон мадзæлттæ уадзын, уыцы мадзæлттæм сæхи минæвæртты æрвитын, профессортæ-ахуыргæнджыты сконды магистрантты, аспирантты, докторантты уацтæ  дыууæ фарсы зонадон рауагъдадты мыхуыр кæнын.

Документы нысан æрцыдысты Уæлдæр ахуыргæнæндоны федералон паддзахадон бюджетон ахуырадон уагдоны базæйыл О. Е. Кутафины номыл Мæскуыйы паддзахадон юридикон университет æмæ Тыбылты Алыксандры номыл Хуссар Ирыстоны паддзахадон университеты уæлæмхас профессионалон ахуырады ахуырадон программæты реализацийы (квалификаци фæбæрзонддæр кæнын, кадртæ бацæттæ кæнын)  «Тыбылты Алыксандры номыл Хуссар Ирыстоны паддзахадон университеты» Уæлдæр профессионалон ахуыргæнæндоны Паддзахадон Ахуырадон уагдоны ахуыргæнджытæй, афтæ ма Республикæ Хуссар Ирыстоны барадхъахъхъæнæг органты æмæ æндæр министрадты æмæ ведомствоты кусджытæй сифтонг кæнынæн.

Фембæлды хайад райста Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын минæвар Гасситы Знауыр дæр.

 

Comments are closed, but trackbacks and pingbacks are open.