Уырыссаг æмæ фæсарæйнаг дзыллон информацийы фæрæзты кусджытæн Санкт-Петербурджы уагъд цыдысты квалификаци бæрзонддæргæнæн курсытæ. Курсытæ сорганизаци кодта уырыссаг æвзаг æмæ фæсарæйнаг дзыллон информацийы фæрæзтимæ æмгуыстады фонд, Уæрæсейы информацион агентад ТАСС-ы æххуысæй. Тренингты хайад райстой 30 журналисты бæрц дунейы алы бæстæтæй, куыд Итали, Турк, Азербайджан, Таджикистан, Узбекистан, Луганскы Адæмон Республикæ, Донецкы Адæмон Республикæйæ. Уыдоны ‘хсæн уыдысты Хуссар Ирыстонæй дæр республикæйы паддзахадон телеуы-нынад «Ир»-ы уацхæсджытæ æмæ ХИПУ-йы студенттæ-журналисттæ.
ГТРК «Ир»-ы уацхæссæг Тыбылты Эльвирæ нын куыд радзырдта, уымæ гæсгæ курсытæ уыдысты тынг цымыдисон, базонгæ сты бирæ ногдзинæдтимæ. Йæ ныхæстæм гæсгæ курсытæ уагъд цыдысты 18 боны дæргъы. Уагъд нын цыдысты лекцитæ, семинарон æмæ практикон ахуыртæ алыгъуызон дисциплинæтæй. Афтæ ма нын ауагътой мастер-къластæ социало-медиа æмæ нымæцон форматты къабазы. Тренингты фæстиуджытæм гæсгæ хъус-джытæ æрбавдыстой дипломон куыстытæ, лæвæрд сын æрцыдысты сертификаттæ, курсытæ æнтыстджынæй кæй рацыдысты, уый тыххæй. Программæ реализаци æрцыд УФ-йы Президеты цур адæмон хæдзарад æмæ паддзахадон службæйы Цæгат-ныгуылæн институты управленийы академион бындурыл. Тыбылты Эльвирæ ма нын куыд радзырдта, уымæ гæсгæ сын лекцитæ кастысты политикон зонæдты доктор, профессор, ацы институты технологиты кафедрæйы сæргълæууæг Инна Веторенко, филологон зонæдты доктор, журналистикæ æмæ меди-акоммуникацийы кафедрæйы профессор Максим Ким, тележурналист, кинодокументалист, программæты автор Валерий Татаров, «Телеканал 78»-ы телеамонæг Дмитрий Пустовой, тележурналист Михаил Титов æмæ æндæртæ. Банысан кæнын ма хъæуы уый дæр, æмæ хуссарирыстойнаг журналисттæ æрвылаз дæр хайад кæй фæисынц ацы тренингты. Фæндагон æмæ цæрæнуатон хæрдзтæ йæхимæ райста уырыссаг прессæйы æппæтдунеон ассоциацийы фонд.
КОКАЙТЫ Зæринæ
Comments are closed, but trackbacks and pingbacks are open.