Барадхъахъхъæнæг органты æмæ уæлвæткон уавæрты министрады кусджытæ ацы сæрдыгон бонты æрæвнæлдтой профилактикон мадзæлттæ уадзынмæ. Сæ сæйраг хæс у, цæмæй доны былтыл æмæ æрдзы хъæбысмæ чи цæуы улæфынмæ, уыцы æмбæстæгтæн бамбарын кæной уагахасты нормæтæ. Ома, зынгсирвæзты æдасдзинады домæнтæ æххæст кæной, фæткхалæн цаутæ ма аразой, цæугæдæтты æмæ цадты хинайгæйæ, сæхи хизой фыдбылызтæй, сæ фæстæ брæттæ ма уадзой æмæ афтæ дарддæр.
Ахæм профилактикон мадзæлттæ уагъд цæудзысты, цалынмæ хъарм рæстæг уа æмæ доны былтыл хинайынæн бæзза, уæдмæ. Рейдты рæстæджы фæткхалæн цау куы сбæлвырд кæной, уæд æфхæрд æййафдзысты. Æнæххæст кары сывæллæтты тыххæй та бæрндзинад хæссынц ныййарджытæ, кæнæ йемæ чи уа хистæртæй, уый.
ДЖИОТЫ Алыксандр
